Олунньу 20-22 күннэригэр Орто Халыма Эбээх бөһүөлэгэр ССРС тустууга СМК И.Н. Сивцев аатыгар улуустааҕы V-ис оҕолорго аһаҕас турнир буолан ааста. 92 бөҕөс 13 ыйааһыҥҥа күөн көрүстүлэр.
Биһиги оскуолабытыттан 15 тустуук баран 8 уол миэстэлэһэн, ситиһиилээхтик кыттан кэллилэр.
Оттон муҥутуур кыайыылааҕы быһаарар киирсиигэ оскуолабыт президенэ 11-ис кылаас үөрэнээччитэ Арсен Винокуров кыайыылаах үрдүк аатын ылла.
Биһиги Арсен кыайыытыттан олус үөрдүбүт. Тренерын Рожин Николай Семеновиһы, Арсены, төрөппүттэрин ис сүрэхпититтэн эҕэрдэлиибит.
Оҕолорбут ситиһиилэрэ кынат буоллуннар. Аҕа дойдуну көмүскээччилэр күннэринэн тустууктарбытын, тренердэрбитин эҕэрдэлиибит.
И. Ноговицына,
Орто Халыма, Өлөөкө- Күөл б.