Оскуолабыт «Пульс» актыыба оскуолабыт дириэктэрэ Ирина Владимировна Кычкинаны кытары көрүстэ. Ирина Владимировна быйылгы үөрэх дьылыттан гражданскай сэрии геройа К. Алексеев аатын сүгэр Хаптаҕай оскуолатыгар үлэтин саҕалаата.
Көрсүһүү саҕаланыыта мин «Бэс чагда» сылдьыбытым туһунан билиһиннэрдим. Салгыы Ирина Владимировна дириэктэр үлэтин быйыл саҕалаабытын уонна сүрүн эбээһинэһин туһунан билиһиннэрдэ, маны таһынан араас боппуруостарга хоруйдаата.
Оскуолабыт салайааччыта уонна үөрэнээччилэри түмэр, салайар оҕолор оскуолабыт кыһалҕаларын быһаарыстылар. Ол курдук, биир тэҥ школьнай форма, үөрэҕэр мөлтөх оҕолорго көмө, бэрээдэги кэһии туһунан атах тэпсэн олорон кэпсэттибит, сүбэлэстибит.
Ону таһынан актыыптар былааммытын билиһиннэрдибит. Шефство олохтуохха сөбүн эттибит. «Коммунарскай сбор» туһунан санаабытын атастыбыт, Ирина Владимировна сүбэтин иһиттибит. Маннык оскуолабыт салайааччытын кытта көрсүһүү ыытыллара наада уонна туһалаах дии санаатым, салгыы практикалыахха, ол үлэҕэ туһаны эрэ аҕалара саарбаҕа суох.
Юра Павлов, оскуола лидера, «Кустук» медиастудия иитиллээччитэ, Хаптаҕай орто оскуолатын 10 кылааһын үөрэнээччитэ.