Оскуолабыт 25 сылыгар аналлаах нэдиэлэ

Балаҕан ыйын 26 күнүгэр үөрэх нэдиэлэ саҕаланыытыгар «Үрүҥ көмүс үбүлүөйдээх ыра санаам оскуолата» үбүлүөйдээх декада арыллыыта буолбута.

Балаҕан ыйын 27 күнүгэр Саха Өрөспүүбүлүкэтин судаарыстыбыннаһын күнүн бэлиэтии оскуолабытыгар салайааччы, дьокутаат, суруналыыс, суруйааччы, Мэҥэ Хаҥалас улууһун уонна Ходоро нэһилиэгин бочуоттаах олохтооҕун пааматынньыгын иннигэр оҕолору түмэн, Саха сирин Судаарыстыбыннаһын күнэ бэлиэтэммитэ. Бу тэрээһиҥҥэ улуус баһылыгын бастакы солбуйааччы Василий Васильевич Михайлов, Майа сэлиэнньэтин баһылыга Алексей Иннокентьевич Неустроев, үөрэх управлениетын начаалынньыгын солбуйааччы Александра Родомировна Луковцева уонна оскуолабыт директора Вера Аркадьевна Тимофеева тыл эппиттэрэ.

Бу күн «Феникс» оҕо тэрилтэтин лидерын талыы буолан ааспыта. Выборга 4 кандидат турбута: Саша Сидоров 9-а кылаас үөрэнээччитэ, Максим  Брызгалов 9-б кылаас үөрэнээччитэ, Степа Петров 10-а кылаас үөрэнээччитэ уонна Айта Ноева 10-б кылаас үөрэнээччитэ. Куоластааһыҥҥа 5-11 кылаас үөрэнээччилэрэ, оскуола кэлэктиибэ кыттыыны ылбыттара. Уопсайа 293 куолас киирбитэ. Куоластааһын түмүгүнэн «Феникс» оҕо хамсааһын лидерынан Брызгалов Максим, 9 б кылаас үөрэнээччитэ буолла, киниэхэ 119 куолас киирдэ.

Балаҕан ыйын 28 күнүгэр студиялар уонна кулууптар сүрэхтэнэр тэрээһиннэрэ буолан ааспыта. Бу күн уопсайа 25 студия уонна кулууп араас кабинеттарынан үлэлээбиттэрэ.

Студиялар:
«Тулурхан» фитнес студия салайаачы Л.В. Борисова

1.Фитнес кадеты
2.Фитнес мини- кадеты
3. Фитнес юниоры

«Ситим» үнкүү куруһуога салайааччы Е.П. Потапова
4. Танцевальный ансамбль старшая группа
5. Танцевальный ансамбль средняя группа
6. Танцевальный ансамбль младшая группа

 Тэтим» фольклорнай бөлөх салайааччы  И.Н. Игнатьев
7. Фольклорный мл.группа
8. Фольклорный ст.группа
9. Вокальный ансамбль.

Кулууптар:
10. «Биллим» интеллектуальнай  оонньуулар салайааччы В.Д. Шестакова
11. «С деньгами на Ты»  финансовай грамотность кулууба салайааччыта О.Н. Максимова.
12. «Дорога памяти»  поисково- патриотическай клуб салайааччылара О.А. Филиппова, М.М. Ильина.
13. «Болот» военно- спортивный кулууп салайааччы Е.З. Баишев
14. «Северное многоборье»  спортивнай кулууп салайааччы Р.В. Яковлев
15. «Игровые виды спорта» спортивнай кулууп салайааччы А.Н. Пестерев
16. «Кыыс оҕо- сир симэҕэ» кыргыттар кулууптара салайааччы В.Н. Апросимова
17. «Бард» гитара кулууба салайааччы Владик Потапов
18. «Ted talks»  омук тылын кулууба салайааччылар Л.А. Аринкина, Ф.В. Егорова, И.М. Плотникова
19. Кей- поп кулууп салайааччы Юля  Трофимова
20. Медиация кулууба (психологический) салайааччы Т.Н. Пинигина
Медиа- студиялар:
21. «Охлопков ньюс» Тв –студия салайааччы К.Н. Петрова
22. «School Time» оскуола радиотын студията салайааччы К.Н. Петрова
23. «SchoolFm»  оскуола онлайн- хаһыата салайааччы К.Н. Петрова
24. «Сулус»  театральнай студия салайааччы  Н.Г. Пахомова
25. «Cүргэн» хоһоон студията салайааччы Н.Г.Пахомова.

Үөрэнээччилэр бэйэлэрин интириэстэринэн араас кулууптарга уонна студияларга сырыттылар.

Балаҕан ыйын 29 күнүгэр Д.Ф. Ходулов аатынан култуура киинигэр “Мин улууһум киэн туттар дьоно” кинигэ сериятыгар киирэн “Матрена Петровна Птицына” ахтыы кинигэтин сүрэхтэниитэ буолан ааспыта.

Балаҕан ыйын 30 күнүгэр оскуола рекордарын туоһу суруктарын туттарыы линейката буолбута. Уопсайа 21 рекорд киирбитэ.

Алтынньы 1 күнүгэр оскуолабыт үбүлүөйдээх тэрээһинэ буолла. Бу күн 9 ч. “Үөрэммит кыһабыттан силис тардан” кылаастарынан аһаҕас уруоктар буолан аастылар. Уруоктарга оскуолабыт араас сылларга бүтэрбит киэн туттар выпускниктарбыт кыттыыны ыллылар. 10 ч. «Үрүҥ көмүс үбүлүөйдээх ыра санаам оскуолата» кинигэ сүрэхтэниитэ, кылаас чаастара ыытыллыбыта. 11 ч. “Уруйдаан-айхаллаан ыра санаам оскуолата” үбүлүөй үөрүүлээх чааһа буолан ааста.

Үөрүүлээх түгэни тэҥҥэ үллэстэ кэлбиттэрэ Мэҥэ-Хаҥалас улуус баһылыгын бастакы солбуйааччыта В.В. Михайлов, Мэҥэ-Хаҥалас улууһун үөрэҕириигэ салалтатын начальнига Н.Л. Никифоров, Мэҥэ-Хаҥалас улууһун үөрэҕириигэ салалтатын начальнигын солбуйааччыта А.Р. Луковцева, “Майа сэлиэнньэтэ” тыа сирин түөлбэтин баһылыга А.И. Неустроев, оскуолаҕа араас сылларга үлэлии сылдьыбыт директордар, меценаттар, попечительскэй совет, төрөппүт комитетын чилиэттэрэ. Үөрүүлээх күҥҥэ уопсайа 45 учуутал уонна үлэһиттэр араас таһымнаах наҕараада ыллылар.

Оскуолабыт үбүлүөйдээх 25 сылыгар ыытыллыбыт тэрээһиннэр олус үчүгэйдик уонна сэргэхтик ааста.

Ф.Г. Охлопков аатынан Майа орто оскуолатын пресс-киинэ.