Лөгөй лиссиэй-интэринээтигэр «Движение первых» иһинэн оскуола тыйаатыра оҕолор баҕаларынан төрүттэннэ. Бу бырайыак туһунан кылгастык кэпсээтэххэ, 8 «А» кылаас үөрэнээччитэ Павел Герасимов этии киллэрэн, номнуо оҕолору түмэн, лиссиэй администрациятыгар киирэн маннык оскуолатааҕы тыйаатыр баар буоллун диэн туруорсан сөбүлэҥ биэрбиттэрин кэннэ тутатына Софронов Анемподист Иванович — Алампа курдук улуу суруйаачы «ТАПТАЛ» драматын дьоҥҥо сэргэҕэ Ахсынньы 13 күнүгэр лиссиэй аактабай саалатыгар көрдөрдүлэр.
Драмаҕа 7-8 кылаас оҕолоро оонньоотулар. Сүрүн оруоллары толордулар:
Кэтириис — Ксюша Находкина;
Бүөтүр — Володя Игнатьев.
Бу күн лиссиэй коллектива, үөрэнээччилэрэ уонна бөһүөлэк олохтоохторо кэлэн көрөн астынан, сэргээн бардылар. Татьяна Михайловна Петухова дириэктэри иитэр үлэҕэ советнига оҕолору эҕэрдэлээтэ уонна махтанан туран театр тэрийсиитигэр үлэлэспит, бастакы драмаҕа оонньообут оҕолорго хас биирдиилэригэр удостоверение туттарда. Салҕыы оскуолатааҕы тыйаатыр тохсунньу ыйга бөһүөлэк сынньалаҥ киинигэр икки драманы туруорар былааннаахтар уонна оҕолор баҕа санаалара диэн чугастыы сытар бөһүөлэктэргэ гастроллуу барар баҕалаахтар.
Суруйда Янис СЫСОЛЯТИН SiTiM LegMedia юнкора