Балаҕан ыйын 29 күнүгэр улуустааҕы «Безопасное колесо» диэн сыл аайы ыытыллар күрэх буолла. Бу күрэх сүрүн сыала: Оҕо суол быраабылатын үөрэтиитэ, оҕону спорт эйгэтигэр бэлисипиэт нөҥүө сыһыарыы буолар.
Биһиги кылааспыт салайааччыта Федора Дмитриевна көҕүлээһининэн «Патриот» диэн хамаанда туруордубут. Хамаанда хапытаанынан Айтал Попов талылынна. Хамаандаҕа билэсипиэти учугэйдик тэбэр оҕолор Наташа Стручкова, Аюрина Корякина уонна Аян Попов киирдилэр.Төрөппүттэрбит А.Б Ларионова, А.Б. Попов оҕолору бэлисипиэти тэбэргэ үөрэттилэр, араас уустук сири сөпкө ааһарга сүбэ-ама биэрдилэр.
Кылаас кэлэктиибэ өссө музыкальнай нүөмэринэн эҕэрдэлээбитэ. Күрэххэ 6 хамаанда кыттыбытыттан,биһиги кылаас хамаандата 3м ыллыбыт, грамотанан, мэтээллэринэн уонна 1000 солк уу харчынан наҕараадаланныбыт. Кылааспыт оҕолоро бастакы кыайыыларынан бары да үөрдүбүт.
Даниэла Алексеева,
Уус-Алдан улууһун Мүрү 1 нүөмэрдээх орто оскуолатын
5″б» кылааһын үөрэнээччитэ, эдкор.