Гражданскай сэрии Геройа Кеша Алексеев аатын сүгэр Хаптаҕай орто оскуолатын лидээрин быыбара буолан ааста. Бэйэни туруорунуу чэрчитинэн 3 хандьыдаат туруоруммута: Юра Павлов (10 кыл.), Василена Дмитриева (8 кыл.) уонна Ксюша Николаева (8 кыл.)
Оҕолор бырагыраамма оҥостон, ону уопсай үөрэнээччилэр мунньахтарыгар билсиһиннэрбиттэрэ. Салгыы нэдиэлэ устата кистэлэҥ куоластааһын ыытыллыбыта. Түмүгэр, баһыйар куолас ахсаанын Юра Павлов ылан кыайда.
Бээтинсэҕэ инаугурация өрөгөйдөөх чааһа ааспыта. Ааспыт үөрэх дьылын лиидэрэ Карина Васильева эҕэрдэ тыл эттэ. Кылаас старосталарыгар махтал суругу туттардылар. Саҥа талыллыбыт лиидэр Юра Павлов чиэһинэйдик, эппиэтинэстээхтик үлэлиирин туһунан андаҕар биэрдэ.
«Пульс» оҕо тэрилтэтэ үөрэнээччилэргэ квест-оонньуу ыытта. Юраҕа оскуола үөрэнээччилэрин олоҕун интэриэһинэй буоларын туһугар кыһалларыгар ба5арабыт!
Валя Спиридонова, «Кустук» медиа-студия иитиллээччитэ.