Орто Халыма 2-с Мээтис нэhилиэгэр спортивнай киин арыллыбыта 10 сылыгар, оскуолабыт аатын сүгэр Халыма бастакы профессора Г.Г.Колесов 130 сааhыгар аналлаах 1-4 кылаас уолаттарын «Лойут сиэннэрэ» диэн күрэҕэ буолла.
Тоҕо «Лойут сиэннэрэ»? Былыр Лойут диэн Халыма кыраайыгар улахан күүстээх, атаҕынан олус быhый, уhун үйэлээх бухатыыр киhи олорон ааспытын туһунан билиҥҥэ диэри номох буола сылдьар үhүйээн баар. 2013 сылга тутуллубут спортивнай кииҥҥэ «Лойут» диэн кини аатын иҥэрбиттэрэ.
Үс хамаанда күөн көрсөн, кыайыылаахтар биллибиттэрэ. Ол курдук, кыыhы сырсыы, өhөс торбос, сыалы быраҕыы, тааһы көтөҕүү, күүстээҕи быhаарыы көрүҥнэргэ кыттан, «Хорсун» хамаанда кыайыылаах таҕыста. Бу хамаандаҕа 3-с кылаастан Винокуров Дамир, 2-с кылаастан Слепцов Айтал Третьяков Саша, 1-гы кылаастан Тортоюсов Аян кыhыл көмүс мэтээли кэттилэр, харчынан бириис, грамота туттулар. Күрэх саҕаланыытын, бүтүүтүн алын кылаас кыргыттара сахалыы уонна ленталаах үҥкүүнэн доҕуhуоллаатылар. Күрэх олус интэриэhинэйдик ааста. Көрөөччүлэр сэҥээрдилэр, кыттааччылар дуоhуйдулар.
Изольда Сухомясова, VI кылааc.
Г. Г. Колесов аат.Сыбаатай орто оскуолата. Орто-Халыма.