Уон биирис сылын Светлана Александровна, Егор Ильич Неустроевтар Ороһу оскуолатын оҕолоругар ырыа, сыанаҕа тахсарга үөрэтэн бараллара, биһиэхэ ырыаны таптыырга кыах биэрэллэр.
Мин алын кылаастан «Тулуйхан» бөлөххө дьарыктанабын. Быйыл 10 хонуктаах лааҕырга 18 оҕо буолан дьарыктанныбыт. Лааҕырбыт эрэсиимэ сарсыарда 10 чаастан киэһэ 17 чааска дылы. Быыһыгар аһыыбыт, оонньуубут. 10 хонук иһигэр 15 ырыаны үөрэттилэр. Саҥа оскуолабыт бастакы сваята, бэс ыйын 1 күнүгэр түһэригэр, арыллыытыгар тулуйханнар ыллаатыбыт, оттон биһиги олус астынныбыт.
Бэс ыйын 2 күнүгэр аһымал кэнсиэр көрдөрдүбүт, киирбит харчы Нам нэһилиэгэр дьиэлэрэ уокка былдьаммыт элбэх оҕолоох ыалга бэрилиннэ.
Неустроевтар биһигини ырыаҕа эрэ буолбакка, сиэрдээх буоларга үөрэппиттэригэр махталбыт улахан, этэҥҥэ сылдьан, оҕолору ырыа алыбыгар угуйа турдуннар.
Валерий ЛАСТОЧКИН, Ороһу,
Үөһээ Бүлүү.