Сылын аайы ыытыллар Ил Дархан Харыйатыгар өрөспүүбүлүкэбит араас улуустарыттан, куораттарыттан бастыҥтан бастыҥнар сылдьаллар. Үөһээ Бүлүү улууһун Ороһу орто оскуолатыттан бастыҥ үөрэнээччитэ, активиһа Ангелина Петрова кыттыыны ылар.
Ангелина кыра кылаастан үөрэх бастыҥа. Оскуолаҕа, улууска, региоҥҥа, республикаҕа ыытыллар научнай-чинчийэр конференцияларга, олимпиадаларга, араас күрэхтэргэ ситиһиилээхтик кыттар, оскуолатын чиэһин көмүскүүр. Ону таһынан уопсастыбаннай үлэнэн дьарыктанар актыбыыс. Үҥкүүлүүрүн, ыллыырын сөбүлүүр. Ангелина олус эппиэтинэстээх, көмөлөһөргө куруутун бэлэм. Инникитин психолог идэтин баһылыан баҕарар.
Ангелинаҕа БКЭ-тин ситиһиилээхтик туттаран, сөбүлүүр идэтигэр киириэҕэ диэн эрэнэбит, үрдүктэн үрдүк ситиһиилэри баҕарабыт!
Люция Кондакова,
11 кылаас салайааччыта, Ороһу орто оскуолата, Үөһээ Бүлүү.
keskil14.ru