Тохсунньу 7 күнэ — Ороһооспо күнэ. Биһиги нэһилиэккэ бу күн сынньалаҥ кулууп дьиэтигэр бар дьоммутугар анаан нэһилиэк олохтоохторун, кулууп үлэһиттэрин кыаҕынан туруорбут эҕэрдэ концертпыт буолан ааста.
Олохтоох дьаһалта аатыттан Семен Андреевич Семенов сыл устата ситиһиилээх, анал операцияга сылдьар уолаттарга анаан иистэнэр дьоҥҥо махтанан анал грамоталары, махтал суруктары чиэстээн туттарда. Кэнсиэрпитигэр эдэриттэн-эмэнигэр тиийэ талааннаах дьоммут кытыннылар.
Балыыһа, мусуой кэлэктиибэ саҥа дьыллааҕы сценкалары оонньоон көрдөрдүлэр. Кэлбит устудьуон оҕолор, ыалдьыттар, оскуола оҕолоро ыллаан-туойан киэһэни өссө киэргэттилэр. Саҥа талааннары көрөн дьон-сэргэ сүргэтэ өссө көтөҕүлүннэ.
Лияна Федорова, 6 кыл. «Ыллык» эдкорпост, Ньурба Хаҥалаһа.