2024 сыл - Оҕо саас сыла Орлята России Үөрэхтээһин

«Орлята России»: Үөрэнээччи настаабынньык буола улаатар

29.08.2024 11:50

Олох биир сиргэ турбат, түргэн тэтиминэн уларыйар. Ону кытта иитии, үөрэтии ньымалара эмиэ ураты суолу көрдүүллэр.

Бүтүн Россия үрдүнэн алын кылаас үөрэнээччилэригэр аналлаах «Орлята России» хамсааһын үһүс сылын үлэлиир. Сиэр-майгы өйдөбүллэрин, дьиэ кэргэҥҥэ, дойдуга, тулалыыр эйгэҕэ истиҥ сыһыаны иитэр, иҥэрэр суолталаах. Сыл устата үөрэнээччилэргэ сэттэ хайысхаттан турар сорудахтардаах, интэриэһинэй ис хоһоонноох, оҕо сааһыгар сөп түбэһэр, оонньуу технологиятынан оҥоһуллубут эбии дьарыктар ыытыллаллар. Биһиги оскуолабыт алын кылааһын учууталлара, үөрэнээччилэрэ бу хамсааһыҥҥа 2022 сылтан ситиһиилээхтик үлэлиибит. 2023 с. балаҕан ыйын 28 күнүттэн алтынньы 1 күнүгэр диэри Владивосток куоракка ыытыллыбыт «Орлята России» бырагыраама кыттыылаахтарын Уһук Илиҥҥи Сүлүөтүгэр кыттыбыппыт. Сэттэ буолан, үс алын кылаас учуутала, үс настаабынньык оҕо уонна дириэктэр иитэр үлэҕэ сүбэһитэ, кыттыыны ылбыппыт.

Түөрт күн устата элбэҕи билэн-көрөн, үөрэнэн, сайдан кэлбиппит.

Настаабынньык оҕолорбут «Орлята России» бырагыраама экспердэрин истэн, араас уокуруктан кэлбит кыттааччылары көрөн, билсэн, элбэххэ үөрэнэн, ылбыт билиилэрин бэйэлэрин оскуолаларыгар кэлэн туттан, кырачаан үөрэнээччилэрбит оскуолатааҕы олохторугар сырдыктан сырдык, бииртэн биир умнуллубат чаҕылхай түгэннэри бэлэхтээбиттэрэ.

Настаабынньык-үөрэнээччилэрбит, бэйэ-бэйэлэригэр маарыҥнаспат тус-туспа дьоҕурдаах, ураты сайдар суоллаах-иистээх дьон. Бииргэ алтыhан айымньылаахтык үлэлиэхпититтэн, кинилэр үгүс ситиhиилэннилэр. Ол курдук, оройуон, өрөспүүбүбүкэ, Россия ыытар тэрээhиннэрин кыттыылаахтара, кыайыылаахтара буолан чугас дьоннорун үөрүүлэрин үксэттилэр.

Биhиги настаабынньыктарбытынан киэн туттабыт. Кинилэр сатабыллаах, үөрүйэхтээх, төрөөбүт дойдуга, чугас дьонноругар, төрөппүттэригэр таптал иҥпит, кырдьаҕаска-эдэргэ ытыктабыллаах дьон буолан тахсыахтара диэн эрэнэбит.

Татьяна ВОРОГУШИНА, иитэр үлэҕэ, оҕо хамсааһынын кытта үлэҕэ

дириэктэр сүбэһитэ, Ефим Егорович Протопопов аатынан Саhыл орто оскуолата, Томпо

##кэскиллээхолоххобэлэмбуол#ОрлятаРоссии

Добавить комментарий Отменить ответ

Наименование издания: keskil14.ru
Учредитель: Государственное автономное учреждение Республики Саха (Якутия) «Детское издательство «Кэскил»» имени Н.Е. Мординова-Амма Аччыгыйа.
Главный редактор: Чьямова Татьяна Васильевна.
Адрес редакции: 677000, г. Якутск, ул. Орджоникидзе, 31.
Телефон редакции: +7(411)234-11-12.
Электронная почта редакции: keskilpress@gov14.ru

При любом использовании текстовых материалов на иных ресурсах в сети Интернет гиперссылка на источник обязательна. Фотографии, видеоматериалы, и иные мультимедийные продукты могут быть использованы только с письменного согласия редакции и учредителя.

6+

Cетевое издание keskil14 зарегистрировано в Федеральной службе по надзору в сфере связи, информационных технологий и массовых коммуникаций (Роскомнадзор) 07.12.2020 г. Регистрационный номер ЭЛ № ФС77-79667.