Устудьуоннар күннэригэр 7 кылаас үөрэнээччитэ Кира Андреева Москва-Санкт-Петербург куораттарынан идэҕэ туһаайыылаах айаҥҥа сылдьан кэлбитин туһунан кэпсээтэ.
— «Интегра» диэн профтур баарын билэн, төрөппүттэрбит төлөөн, Дайаана биһиккини ыыппыттара. Бастаан барарбытыгар кими да билбэт буоламмыт, долгуйа санаабыппыт. Онтон оҕолору кытта билсэн, доҕордоһон наһаа үчүгэйдик сылдьан кэллибит.
Араас үөрэх тэрилтэлэригэр сырыттыбыт. Үөрэнэ сылдьар студеннар уонна преподавателлэр элбэх сүбэни биэрдилэр.
РГГУ-га (Россиятааҕы госуд. гуманитарнай университекка) юриспруденция туһунан олус интэриэһинэйдик кэпсээтилэр. НИУ ВШЭ (экономика үрдүкү оскуолатыгар) 150 бюджет миэстэтэ баарын биллибит.
«Интеграҕа» сылдьан инники олохпор ким буолуохпун баҕарарбын торумнаатым диэхпин сөп.
Сынньалаҥ кэмигэр араас кэрэ миэстэлэри көрдүбүт. Дойдубут киин куоратыгар Кыһыл болуоссакка, галереяларга, Питер бэлиэ сирдэринэн сырыттыбыт.
Миигин бу олус туһалаах, тус хайысхалаах айаҥҥа ыытан баҕа санаабын толорбут төрөппүттэрбэр олус махтанабын.
Маннык профтурдар инники идэни таларга, саҥаны-сонуну билэргэ наһаа туһалаахтар эбит, онон оҕолорго, кыаллар буоллаҕына, айаҥҥа баран, билэн-көрөн кэлэргитигэр сүбэлиибин.
Суруйда Дайаана Гаврильева, 9 кылаас.
Үөһээ Бүлүү, Дүллүкү орто оскуолата, «Эрчим» эдкорпост.