Бүгүн, олунньу 8 күнүгэр, Арассыыйаҕа билим (наука) күнэ бэлиэтэнэр. Билим күнэ Арассыыйа бэрэсидьиэнин Б.Н. Ельцин ыйааҕынан 1999 сыллаахха бэс ыйын 7 күнүгэр олохтоммута. Идэлээхтэр күннэрин быһыытынан аан бастаан Арассыыйа билимин акадьыамыйатын 275 сылын бэлиэтээһинтэн бэлиэтэнэр.
Урут ССРС саҕана наука күнэ муус устар 3-с баскыһыанньатыгар бэлиэтэнэрэ. Бу күн талыллыбыт төрүөтүнэн В.И. Ленин «Набросок плана научно-технических работ» диэн үлэни муус устарга суруйбута буолбута. Бу үлэ саҥа судаарыстыба билими билиниитин кэрэһэлээбитэ.
Аныгы Арассыыйаҕа бэлиэ күн 1724 сыллаахха Билим акадьыамыйатын төрүттэммит күнүгэр бэлиэтэнэр буолбута. Бу күн Бүөтүр I ыйыытынан Арассыыйа сенаата ыйаах таһаарбыт эбит.
Саха сирин научнай уопсастыбаннаһа биһиги хотугу кыраайбыт социальнай-экономическай сайдыытыгар дьоһун кылаатын киллэрэр. Экономическай уонна бырамыысыланнай сайдыыга, социальнай өттүгэр этэҥҥэ буолууга, өрөспүүбүлүкэ кыаҕын олоххо киллэриигэ кэскиллээх соруктар олоххо киирэллэригэр Саха сирин учуонайдарын оруола сүҥкэн улахан.
Билим күнүнэн үөрэнээччилэргэ, учууталларга, научнай салайааччыларга, төрөппүттэргэ, наукаҕа сыһыаннаах бар дьоммутугар эҕэрдэ! Инникитин өссө үрдүк ситиһиилэри, саҥа арыйыылары, сыанабылы!