В.Н. Оконешников аатынан Павловскай орто оскуолатын үөрэнээччилэрэ «Юность Севера: Arctic ideas» оҕо-ыччат сурунаалын ыҥырыытын ылынан «Добрые крышечки» диэн Бүтүн Арассыыйатааҕы үтүө санаа аахсыйаҕа бүттүүн оскуоланан пластик бытыылкалар хаппахтарын хомуйа сылдьабыт. Бу аахсыйа сүрүн соругунан олорор сирбитин, айылҕаны ыраастык тутуу, айылҕаҕа харыстабылы, тапталы хас биирдии оҕоҕо иҥэрии буолар.
Бүгүҥҥү күҥҥэ саамай элбэх хаппаҕы 6 “в” (кыл. сал. Сивцева А.Р.) — 611, 8 “б” (кыл. сал. Татаринова В.Д) — 418 устууканы туттардылар. Маны таһынан, 5 “б” (кыл. сал. Новгородова Н.В.), 6 “б” (кыл. сал. Шамаева М.Д.), 7 “а” (кыл. сал. Шамаева М.П.), 7 “б” (кыл. сал. Николаева Н.В.), 10 “а” (кыл. сал. Иванова Н.Н.) көхтөөх кыттыыны ыллылар.
Бу хомуйбут хаппахтарбытын Бүлүүлүүр суол 3 км-гар «Добрые крышечки» диэн Бүтүн Арассыыйатааҕы үтүө санаа аахсыйа чэрчитинэн, пластик бытыылка хаппаҕын тутар анал пууҥҥа киллэрэн туттарыахпыт. Бу аахсыйаҕа киирбит харчы доруобуйаларынан хааччахтаах оҕолорго ананыа.
Оскуола оҕолоругар маннык үлэни ыыталлара олус наадалаах. Хас биирдиибит олорор сирбит-уоппут ыраас буоларын туһугар кыһаллыахтаахпыт. Буортулаах бөҕү хомуйууга улахан үлэ барыахтаах. Барыгытын кыттыыны ылыҥ диэн ыҥырабыт! Олорор сирбит ыраас-чэбдик буоллун!
Николина Сивцева, В.Н. Оконешников аатынан Павловскай орто оскуолатын пресс-киинэ.