Олоҥхо — саха норуотун тылынан уус-уран айымньытын муҥутуур чыпчаала, үйэттэн үйэ, көлүөнэттэн көлүөнэ тухары бэриллэн испит дириҥ ис хоһоонноох баай. 2006 сыллаахха ЮНЕСКО Олоҥхону аан дойду култууратын шедевринэн билинэн, үйэтитэри, харыстыыры, киэҥ эйгэҕэ таһаарары ирдиир. Маны ситиспит бэрэсидьиэн В.А.Штыров уурааҕынан сэтинньи 25 күнэ Олоҥхо күнүнэн биллэриллибитэ. Олоҥхо диэн сүдү айымньы. Тыла-өһө саха омук бастыҥ баайа, кэрэ киэргэлэ, өйүн-сүрэҕин үгүс үйэлээх албан айымньыта.
Олоҥхо күнүгэр биһиги оскуолабытыгар олоҥхо күрэҕэ буолбута. Онно орто сүһүөх кылаастарга VII кылаас оҕолоро бастаатылар. Кылаас салайааччыта О.В. Борисова. Иккис миэстэни VI кылаас иккис бөлөҕө буолла. Оттон III миэстэни VI кылаас бастакы бөлөҕө ылла. Кылаас салайааччыта Наталья Ивановна Платонова.
Улахан кылаас оҕолоро сүрдээхтик ылсан кыттыбыттара. Бастакы миэстэни Х кылаас (кылаас салайааччыта Р.А. Егоров), иккис миэстэни IX кылаас (кылаас салайааччыта Туйаара Ильинична Заболоцкая), үһүс миэстэҕэ VIII кылаас оҕолоро (кылаас салайааччыта М.М. Готовцева) ыллылар.
Олоҥхо алыптаах түһүлгэтин түһүмэхтэрэ: “Олоҥхоһуттар” диэн этэ.
I үрдэл—Эвелина Винокурова, VII кылаас, II үрдэл—Күннэй Оконешникова, X кылаас, III үрдэл Давид Канаев, Канаев IX кылаас таҕыстылар. “Бастыҥ тойуксут” түһүмэххэ орто сүһүөх кылаастарга Влада Винокурова, VII кылаас I үрдэл, Милена Аммосова, V кылаас II үрдэл, улахан оҕолорго Айтал Сивцев IX кылаас I үрдэл, Кристина Шпнева, X кылаас II үрдэл буоллулар.
“Оруолу бастыҥ тиэрдээччи” ааты Радик Винокуров (X кылаас үөрэнээччитэ), Милана Атласова (V кылаас) ыллылар.
Олоҥхо ааҕыытыгар саҥа холонооччулар: Туйаара Кривошапкина (VI кылаас), Алгыстаана Попова (VI кылаас), Сандаар Слепцов (VIII кылаас) хайҕаннылар.
Олоҥхо тэрээһинин кэнниттэн оҕолор наһаа арылыннылар. Инникитин да кыттыахтара, сайдыахтара.
Любовь Канаева, Н.О. Кривошапкин аатынан Өймөкөөн орто оскуолатын XI кылааһын үөрэнээччитэ.