Олимпиада, кэмпириэнсийэ, тимуровскай үлэ… Чурапчы гимназиятын үөрэнээччилэрэ уонна учууталлара төрдүс чиэппэри көхтөөхтүк саҕалаатылар.
Муус устар 6 күнүгэр улуус үөрэнээччилэрин икки ардыларыгар ыытыллыбыт Дорофеевскай олимпиадаҕа гимназистар ситиһиилээхтик кытыннылар: ВаняМонастырев (9 кылаас) – 2, ДимаЧепалов (9 кылаас) – 3, Андрей Васильев (10 кылаас) – 3 миэстэ, Петя Слепцов (10 кылаас) – 3, Паша Решетникова (11 кылаас) – 2, Максим Корякин (11 кылаа) – 1, Вика Иванова (11 кылаас) – 2 миэстэ.
Оттон муус устар 7 күнүгэр Иоган Егорович Максимов 85 сааһыгар анаммыт «Ступени эколого-духовного восхождения личности к идеалу высшего разума – ноосфера» диэн улахан кэмпириэнсийэ буолла. Бу кэмпириэнсийэҕэ гимназия 9 кылааһын үөрэнээччилэрэ бэлиэтэннилэр. Ол курдук, Артур Карпов 1 миэстэ буолары ситистэ. Ньургун Васильев биһирэбил дипломунан наҕараадаланна.
Артур өссө өрөспүүбүлүкэтээҕи бастакы, II Бүтүн Арассыыйатааҕы «Инновации и развитие-2023» кэмпириэнсийэҕэ «Краеведческие интеллектуальные игры» үлэтинэн кыайыылааҕынан ааттанна.
Ону таһынан Данил Брызгаев уонна Коля Собакин Бүтүн Арассыыйатааҕы хабааннаах кэмпириэнсийэлэргэ кыттыыны ыллылар, кыайыылаах үрдүк аатынан сүктүлэр: Бүтүн Арассыыйатааҕы «Леонардо» бэстибээлгэ Данил Брызгаев 2 миэстэ (экология секцията), Коля Собакин – 1 миэстэ (инженерия, физика секцията) буоллулар. XXI Бүтүн Арассыыйатааҕы «Шаг в будущее» эдэр чинчийээччилэр күрэхтэһиилэригэр Данил Брызгаев – 2 миэстэ, Коля Собакин – 2, Быыстапкаҕа – 1 миэстэ буоллулар.
Данил “Поиск способов защиты от техногенных последствий разлива нефтепродуктов воды в сельской местности” диэн интэриэһинэй үлэлээх. Коля “Жилет для мониторинга здоровья человека на Arduino” диэн тиэмэҕэ чинчийиинэн утумнаахтык дьарыктанар.
Ону таһынан муус устар 7 күнүгэр буолбут оскуола үөрэнээччилэрин «Зож – это модно» улуустааҕы форумнарыгар гимназия 7-8 кылааһын үөрэнээччилэрин «Күн Өркөн» хамаандата 3 миэстэ буолла.
Үөрэх чиэппэрин бастакы нэдиэлэтин гимназистар тимуровскай үлэнэн түмүктээтилэр. Оҕолор көй салгыҥҥа үлэлээн, ытык мааны дьоммутугар көмөлөһөн, бириэмэлэрин туһалаахтык атаардылар.
Түгэнинэн туһанан, бары ситиһиилээх үөрэнээччилэри уонна кинилэр салайааччыларын истиҥник эҕэрдэлиибит! Бу курдук чаҕылхайдык саҕаламмыт чиэппэр үгүс кыайыылаах-хотуулаах, үтүө түмүктээх буолуоҕар эрэнэбит.
Маша СИБИРЯКОВА, Чурапчы гимназиятын пресс-киинин юнкора.