Кулун тутар 5 күнүгэр Уус Алдан улууhун Окоемовкатыгар үс улуус кыра бөһүөлэктэрин «Доҕордоһуу түһүлгэтин» күрэҕэ буолан ааста. Чурапчы улууһуттан Бахсы, Мэҥэ Хаҥалас Матта нэһилиэгиттэн уонна Окоемовка, Арыылаах, икки ардыларыгар «Доҕордоһуу түһүлгэтэ» ыытылынна.
«Доҕордоһуу түһүлгэтин» иилээн-саҕалаан төрүттээбит киһибитинэн, биир дойдулаахпыт Николай Бурнашев буолар. Күрэх 2012 сылтан саҕалаан сылын ахсын көтүтүллүбэккэ ыытылла турар.
Бу күн хамаандалар саанан ытыы, гиирэни анньыы, канаат, мас тардыһыы, хапсаҕай, теннис, дуобат, саахымат уонна волейбол курдук көрүҥнэргэ күрэхтэстилэр.
Киһи сөҕөрө диэн үгүс үрдүкү сүһүөх үөрэнээччилэрэ дойдуларын чиэһин көмүскүү, аатын ааттата кэлбиттэрэ кэрэхсэтэр. Кинилэр ортолоругар өрөспүүбүлүкэҕэ кыттар таһымнаах спортсменнар кытта бааллара. Бу оҕолор эдэр ыччаты, аҕам саастыы дьону кытта тэҥинэн илии-атах тутуһан бириистээх миэстэлэргэ тигистилэр. Тыҥааһыннаах киирсии түмүгүнэн спортсменнар көрүҥнэринэн анал ааттарынан наҕараадаланнылар. Уопсай түмүккэ, Матта — 1 миэстэ, Окоемовка — 2 миэстэ уонна Бахсы — 3 миэстэни ыларга чиэскэ тигистилэр.
Быйылгы күрэхпит бэрт эйэ дэмнээхтик, тэрээһиннээхтик ыытыллан күрэхтэһээччилэр үөрэн-көтөн тарҕастылар.
Саша Колодезникова, Окоемовка сүрүн оскуолата, 7 кылаас, Уус Алдан.