Биһиги Ил Дархаммыт Айсен Сергеевич Николаев 2024 сылы Саха өрөспүүбүлүкэтигэр Оҕо саас сылынан биллэрбитэ.
Аммаҕа ыытыллыбыт Олоҥхо ыһыаҕар “Кэскил” медиа оскуола юнкордара Ил Дархаммытын кытта көрсөн интервью ылбыппыт https://t.me/keskil_media2020/11295
Мин Саха өрөспүүбүлүкэтигэр биллэриллибит Оҕо саас сыла хайдах баран иһэрин Айсен Сергеевич хайдах сыаналыырын туһунан ыйыталастым https://vk.com/wall-199463452_20577
– Оҕо саас сыла наһаа үчүгэйдик баран иһэр диэн сыаналыыбын. Кырдьык, биһиги өрөспүүбүлүкэбит бастакы Президенэ Михаил Ефимович Николаев кэмиттэн саҕалаан оҕо туһугар олус кыһаллар. Ол да түмүгэр буолуо, Саха сирэ оҕоҕо ыытар политиката Россия үрдүнэн барытынан биллэр. Санаан да көрдөххө, аан дойдуга оҕолорго аналлаах саамай улахан спортивнай куоталаһыы “Азия оҕолорун” оонньуута Саха сиригэр буолар. Ол туһунан Россия Президенэ Владимир Владимирович Путин бу күннэргэ Саха сиригэр кэлэ сылдьыбытыгар кэпсээбиппэр, бу Россияҕа эрэ буолар саамай улахан куоталаһыы дии санаабыт эбит кини. Онтон аан дойдуга буоларын истэн баран, сүрдээҕин диэн үөрдэ. Бу биир күнүнэн үөскээбэт үлэ. Уонунан сылларга Саха сирэ оҕолор тустарыгар кыһаллан, билигин ол политиката аан дойдуга биллэриттэн наһаа үөрбүтэ.
Саха өрөспүүбүлүкэтин Ил Дарханын Айсен Сергеевич Николаевы кытта көрсөн, кэпсэтэн наһаа үөрдүм. Оҕо саас кэскиллээх политикатын ыытаргыт иһин махтанабыт, Айсен Сергеевич!
Арина СОТНИКОВА, Х кылаас, С.К. Макаров аатынан Чурапчы гимназията
Видеоҕа уһуллулар, хаартыскаҕа түһэрдилэр:
Гаврил Прокопьев, А.С. Шахурдин аатынан Төҥүлү орто оскуолата, Мэҥэ Хаҥалас;
Изольда Харлампьева, А.П. Илларионов аатынан Хайахсыт орто оскуолата, Чурапчы;
Роберт Веревкин, П.И. Караканов аатынан Мээндиги орто оскуолата, Амма