Муус устар 7 күнүгэр Таатта улууһун Уолба нэһилиэгэр, Игнатий Слепцов аатынан норуот айымньытын киинигэр, быйыл саха төрүт үҥкүүтэ оһуохай Россия норуоттарын култуурунай нэһилиэстибэтин 100 шедеврыгар киирбитин бэлиэтээн, оҕону оһуохайга уһуйар, толоруу маастарыстыбатын үрдэтэр, кэскиллээх этээччилэри дьоҥҥо-сэргэҕэ билиһиннэрэр сыалтан, Таатта улууһун оскуолаларын икки ардыгар маҥнайгытын ыытыллар «Оҕо саас күннээх оһуохайа» оҕолорго оһуохай күрэҕэ буолан ааста. Ол курдук күрэххэ, 6 нэһилиэктэн 36 оһуохай этээччи уонна 4 кынааччыт оҕолор кыттыыны ыллылар. Күрэх түмүгүнэн маннык анал ааттар туттарылыннылар:
«Уран тыллаах оһуохай таһаарааччы» – Хоютанова Нарыйа, Г. Д. Бястинов аатынан Чымынаайы орто оскуолата
«Чуор куоластаах оһуохайдьыт» – Канаев Афоня,
«Киэҥ түһүлгэлээх этээччи» – Попова Ангелина, А. Е. Кулаковскай – Өксөкүлээх Өлөксөй аатынан Дьохсоҕон орто оскуолата
«Кэскиллээх оһуохайдьыт» – Окоемов Айтал, М. Н. Турнин аатынан Тыараһа орто оскуолата
«Тэтимнээх оһуохайдьыт» – Таппырова Алина, В. И. Ленин аатынан Уолба орто оскуолата
«Түөлбэ үгэһин тутааччы» – Сабарайкина Карина, М. Н. Турнин аатынан Тыараһа орто оскуолата
«Бастыҥ салайааччы» – Прокопьева Татьяна Юрьевна, Г. Д. Бястинов аатынан Чымынаайы орто оскуолата
«Бастыҥ кыначчыт» анал ааттары Алгыстаана Федорова, Алина Сидорова – Н. Е. Мординов аатынан Харбалаахтааҕы оҕо искусствотын үөрэнээччилэрэ, салайааччы Парфенова В. А. Айыллаана Большакова, Аэлита Петрова – А. Е. Мординов аатынан Тааттатааҕылицей үөрэнээччилэрэ.
Кыайыылаахтар ааттара ааттанна:
III Үрдэл – В. И. Ленин аатынан Уолба орто оскуолата
II Үрдэл – М. Н. Турнин аатынан Тыараһа орто оскуолата
I Үрдэл – А. Е. Мординов аатынан Тааттатааҕы лицей
Кылаан бириис – А. Е. Кулаковскай – Өксөкүлээх Өлөксөй аатынан Дьохсоҕон орто оскуолата
Кыайыылаах оскуолаҕа сүрүн бириис – принтер туттарылынна, маны таһынан күрэс бастыҥнара Саха Өрөспүүбүлүкэтин үтүөлээх оһуохай этээчиллэрэ Попов Афанасий Николаевич, Потапов Иван Иванович, Иванов Иван Федотович, улууспут, нэһилиэкпит тэрилтэлэрин, урбаанньыттарын анал бириистэринэн наҕараадаланнылар уонна биирдилээн кыттааччыларга анал бириис олохтонно.
Дьүүллүүр сүбэҕэ үлэлээтилэр: Уолба нэһилиэгин спорт инструктора, оһуохайдьыт, олоҥхоһут – Семенов А. Н., А. Е. Мординов аатынан Таатта лицейын саха тылын уонна литературатын учуутала, улуус саха тылын уонна литературатын учууталларын методическай холбоһугун салайааччыта –Андросова О. П., «САХА НКИК» ханаал ыыппыт «Олоҥхо баттл» күрэх финалиһа, «Күн туллуктара» биэбэйик фольклорга уһуйааччыта – Шестаков А. В.
Өбүгэ саҕаттан олохтоммут оонньууну – оһухайы киэҥник тарҕатар, саха норуотун культуратын сайыннарар, сүппэт, симэлийбэт суолун сөргүтэр, кэрэ эйгэлээх оһуохайбыт үйэ-саас тухары аар саарга аатырдын!
Сайаана Юнчанова, Саргы Мосоркина, Кирилл Кириллин, Уйсен Борисов,
XI кылаас үөрэнээччилэрэ,
В. И. Ленин аатынан Уолба орто оскуолата