Т.н.д. А.Е. Слепцов аатынан Абый орто оскуолатыгар Арассыыйатааҕы оҕо хамсааһынын тэрилтэтин төрөөбүт күнүн бэлиэтээтибит. 2015 сыллаахха дойдубут Президенэ В.В. Путин укааһынан «Российское движение школьников» диэн биир улахан хамсааһын тэриллибитэ. Сүрүн сыала-соруга: оҕолору бииргэ түмүүгэ, араас оонньуулар, күрэхтэр нөҥүө оҕо өйүн, толкуйдуур, айар дьоҕурдарын сайыннарыыга, дьиҥнээх гражданиннары иитиигэ олоҕурар. Онон бу кэккэҕэ киирии хас биирдии үөрэнээччигэ чиэс уонна бочуот буолар.
Алтынньы 29 күнүгэр бу тэрилтэ төрүттэммитэ 7 сыла буолла. Бу күҥҥэ актыбыыстар, лидердар түмсэн биир улахан тэрээһини оҥордубут. Оскуолабыт аактабай саалатыгар оскуола үөрэнээччилэрэ, учууталлар бары түмсэн бу күнү бэлиэтээтибит. Бу күн 2 кылаас үөрэнээччилэрэ «Орлята России» түмсүүгэ киирбиттэрин туоһулуур хаалтыс бааннылар, андаҕар эттилэр.
Оскуола иһинэн үлэлиир «Дьоҕур» волонтер этэрээтэ (сал. В.С. Дохунаев), «Патриот» байыаннай-патриотическай түмсүү (сал. В.С. Дохунаев ), «Абый кэскилэ» пресс-киин (сал. А.Н. Чиркова), «Точка Роста» (сал. И.П. Томская), «Сардаана» кыргыттар түмсүүлэрэ (сал. Д.Г. Булдакова) үөрэнээччилэри эҕэрдэлээтилэр, бары түмсүүлээх, элбэх доҕордоох, олоххо бэлэмнээх дьон буолуохха диэн ыҥырдылар. Бу күн актыбыыстар, лидердар грамота тутан үөрдүлэр. Тэрээһиммитин «Юность» диэн аатырбыт ырыанан флешмоб үҥкүүлээн түмүктээтибит.
Бу үөрэх сылыгар оскуола лидердарынан Люба Слепцова (9 кылаас), Юрий Слепцов (9 кылаас), Вероника Дохунаева (8 кылаас), Тася Никифорова (4 кылаас) талыллан үлэлии сылдьаллар. Элбэх тэрээһиҥҥэ, акцияларга кытталлар, субботниктары тэрийэллэр.
Инникитин даҕаны маннык таһымнаах тэрээһиннэр ыытылла туруохтарын баҕарабыт.
Элеонора ЯДРИХИНСКАЯ, 11 кылаас үөрэнээччитэ, «Абый кэскилэ» пресс-киин эдкора.