Үөһээ Бүлүү улууһун Ороһу орто оскуолатын 7-8 кылааһын үөрэнээччилэриттэн оҕо эбээһинэһин уонна быраабын туһунан ыйыттым. Эппиэтин түмэн эһиэхэ билиһиннэриэм.
Оҕо эбээһинэһэ:
-оскуолаҕа үөрэниэхтээх
-оскуола устаабын үөрэтиэхтээх, билиэхтээх, тутуһуохтаах
-төрөппүттэрин таптыахтаах, төрөппүттэрин этиилэрин, ирдэбиллэрин убаастыахтаах, толоруохтаах
-бииргэ төрөөбүттэригэр эппиэтинэстээх сыһыаны тутуһуохтаах
-төрөөбүт нэһилиэгэр, дойдутугар бэриниилээх буола улаатыахтаах.
Оҕо бырааба:
— учуутал да, төрөппүт да оҕо интэриэһин учуоттуохтаах
— доруобуйатыгар болҕомто ууруллуохтаах
-тулалыыр эйгэттэн көмүскэллээх буолуохтаах
— төрөөбүт тылынан санаатын аһаҕастык этинэрэ күөмчүлэниэ суохтаах
-оҕо сынньанар кэмнээх, санаатын сааһыланар бириэмэлээх буолуохтаах.
Этиилэри түмтэ Алина Яковлева, «Тымтык» эдкорпост кэрэспэндьиэнэ.