Сылын аайы ыытыллар күүтүүлээх Ил Дархан Харыйата буолара номнуо чугаһаата. Онтон Ньурба улууһун туйгун оҕолоро бүгүн дьоллоох Дьокуускай куоракка туруннулар. Олор истэригэр биһиги уолбут эмиэ баар.
Быйыл Ил Дархан Харыйатыгар делегат быһыытынан Хаҥалас оскуолатыттан 11 кылаас үөрэнээччитэ Осип Мачаттыров барар чиэскэ тиксибитэ. Кини үчүгэй үөрэхтээх, көхтөөх үөрэнээччи буолан талыллыбыта.
Осип бэйэтэ сэмэй, үтүө майгылаах уол буолар. Кини араас тэрээһиннэргэ, күрэхтэһиилэргэ, олимпиадаларга өрүү кыттан ситиһиилэнэр, миэстэлэргэ тиксэр. Биһиги бэйэбит бииргэ үөрэнэр оҕобут улахан чиэскэ тиксибитигэр үөрдүбүт уонна кининэн киэн туттабыт!
Камила Сергеева, 11 кылаас,
«ЫЛЛЫК» эдкорпост, Хаҥалас, Ньурба.
keskil14.ru