Тохсунньу 27 күнүгэр Ньурба оройуонун Хаҥалас нэһилиэгэр ыытыллыбыт мунньахха сылдьан үгүһү биллим. Улууспут баһылыга Алексей Михайлович Иннокентьев 2023 сыл устата туох тэрээһиннэр ыытыллыбыттарын, хайдах үлэлэр барбыттарын, инникитин туох күүтэрин сырдатта. Кинини кытта спорт, тыа хаһаайыстыбатын, култуура департаменын, доруобуйа харыстабылын, үөрэх салаатын уонна да атын тэрилтэлэртэн олохтоохтор ыйытыктарыгар эппиэттээри, көмө оҥороору салайааччылар кэлэн бардылар.
Улуустааҕы ыччат дьыалатын имиджевай политика управлениетын салайааччыта Валерия Гаврильевна Владимирова кэккэ ыйытыктарбар эппиэттээтэ:
— Улуус баһылыгын отчуотугар хаһааҥҥытааҕар да элбэх киһи сырытта, нэһилиэк аайы олохтоохтор туруорсуулара уонна ыйытыылара араас, ол эрэн тутуу ,тыа хаһаайыстыбатын уонна ОДьКХ өттүгэр биллэн турар улахан. Бэлиэтии көрбүппүнэн, эдэр ыччат көхтөөхтүк сылдьан элбэхтэ ыйытык биэрдэ, онтон сүрдээҕин диэн астынным.
Олохтоохтор биир былаан тула сомоҕолоһон, ол былааны олоххо киллэрэргэ үлэлэһиэхпитин наада. Билиҥҥи кэмҥэ харчы хамсааһына аҕыйаата, онон дивидеҥҥэ эрэнэн олорбокко, бырайыак суруйааһынынан дьарыктанан саҕалыахха диэн ыҥырабын.
Мин санаабар хас биирдии киһи маннык тэрээһиннэргэ сылдьара тоҕоостоох, тоҕо диэтэр бэйэтигэр уонна улууһугар элбэҕи оҥорор.
Анжелина ЖДАНОВА,11 кылаас.
«Ыллык» эдкорпост.
Ньурба, Хаҥалас.