Балаҕан ыйын 27 күнэ — Саха Өрөспүүбүлүкэтин Судаарыстыбаннаһын күнэ.
Бүгүн Ньурба оройуонун Үөдэй нэһилиэгэр Судаарыстыбаннас күнүн бэлиэтиир тэрээһин ыытылынна. Манна Хаҥалас нэһилиэгиттэн Варвара Андреевна Петрова аатынан кыраайы үөрэтэр түмэл салайааччыта Зинаида Васильевна Анисимова, түмэл үлэһиттэрэ, нэһилиэктэр баһылыктара, солбуйааччылара уонна үөрэнээччилэр кыттыыны ыллылар. Кырачаан оҕолор Сахабыт сирин, үлэһит чулуу дьоммут тустарынан хоһоон аахтылар.
Түмүгэр Сахабыт сиригэр сүҥкэн кылааты киллэрбит, биллэр судаарыстыбаннай деятель, биир дойдулаахпыт, түөрт улуус баһылыгынан үлэлээбит Варвара Андреевна Петроваҕа анаммыт пааматынньыкка ытыктаан, махтанан туран сибэкки дьөрбөтүн уурдубут.
Анжелина ЖДАНОВА,11 кылаас,
Ньурба, Хаҥалас, «Ыллык» эдкорпост.