Ньурба оройуонун 2022 сыл уопсай түмүктэрин таһаарыы мунньаҕа бүгүн биһиги нэһилиэкпитигэр, Ньурба Хаҥалаһыгар, буолан ааста. Манна оройуон иһигэр сыл устата туох үлэлэр барбыттарын, сытыырҕаан турар боппуруостары быһаардылар. Инникитин улууспутун хайдах сайыннарарбытын, туох саҥа тутуулара саҕаланыахтаахтарын оройуон баһылыга Алексей Михайлович Иннокентьев кэпсээтэ.
Аны 4 сылынан Саха сирин спортивнай оонньуулара Ньурбабыт сиригэр буоларынан сибээстээн эрдэттэн бэлэмнэнии үлэлэр саҕаланнылар. Кэлэр 2023 сыл оройуоммутугар Олохтоох оҥорон таһаарыыны сайыннарыы сылынан биллэриллибитэ.
Онон бары күүс олохтоох оҥорон таһаарыыны өйүүргэ ыытыллара былааннанар. Ааспыт сыл 2022 сыл Норуот көҕүлээһинин сыла буолан, «Начинающий фермер» диэн оройуон күрэҕигэр бырайыак суруйбуппутун олоххо киллэрэн, оскуолабытыгар пельменнай цех тэрийэн үлэлэтэ турабыт. Итини бэлиэтээннэр, бырайыагы суруйбут оҕолор: Олег Адамов (10 кыл.), Виолетта Иванова (11 кыл.), Анжелина Жданова (10 кыл.) «За вклад в реализацию» диэн мэтээл туттубут.
Оройуоммут дьаһалтатын уонна баһылыкпыт ааспыт сыллааҕы үлэтин Хаҥалас нэһилиэгин олохтоохторо 100% биһирииллэрин биллэрдиллэр. Инникитин өссө үрдүк ситиһиилэри баҕардылар.
Анжелина Жданова, «Ыллык» эдкорпост, Ньурба Хаҥалас.