27-с төгүлүн ыытыллар академик В. П. Ларионова аатынан «Инникигэ хардыы» научнай-практическай конференция Саха сирин үөрэнээччилэрин, педагогтарын уонна учуонайдарын бу тохсунньу ый саҥатыгар барыларын биир сиргэ түмтэ.
Биһиги уолаттарбыт, Ньурба оройуонун Хаҥалас орто оскуолатын 10 кылааһын үөрэнээччилэрэ, Олег Адамов уонна Юлиан Алексеев «Педагогика и медодика преподавания» диэн секцияҕа кытыннылар. Кинилэр бэйэлэрин география предметыгар ОГЭ туттарбыт уопуттарын түмэн, учууталлара Александра Анатольевна Третьякова салалтатынан, географическай лотону оҥордулар.
Бу остуол оонньуутун туһанан оҕолор географияны билэллэрин, эксээмэни үчүгэйдик туттаралларын туһуттан кинилэр үлэлээтилэр. Лото ооньуурга, туһанарга олус судургу уонна үчүгэй оонньуу буолар. Онно олоҕуран кинилэр бу манна география терминнарын, өйдөбүллэрин киллэрэн тупсаран биэрдилэр. Аныгы оҕолорго чэпчэки буоллун диэн телефон нөҥүө QR-кодунан киирэн эмиэ туһанар гына оҥордулар. Биһиги уолаттарбыт бу үлэлэрин сайыннаран тарҕаттахтарына, атын оҕолорго улахан көмө буолуо этэ.
Бу ыытылла турар конференция хас биирдии оҕоҕо туһалаах. Онон бу кыттыбыт оҕолор бары саҥаны көрөн-билэн, элбэххэ үөрэнэн кэлиэхтэрэ.
Слава Васильев, «Ыллык» эдкорпост, Ньурба, Хаҥалас.