Бүгүн, ахсынньы 26 күнүгэр, Сахабыт сиригэр бэлиэ күн үүннэ! Өрөспүүбүлүкэбитигэр тоҕус саҥа социальнай эбийиэк үлэҕэ киирдэ! Быһа видео сибээһинэн СӨ Ил Дархана Айсен Николаев бу тэрээһини салайан саҥа эбийиэктэр аһыллыыларыгар кыттыыны ылла. Үлэҕэ киирэр эбийиэктэр истэригэр Бороҕоҥҥо дьиэ кэргэҥҥэ аналлаах элбэх хайысхалаах киин, Нам Хомустааҕар уонна Амма Соморсунугар культуура дьиэлэрэ, Элгээйигэ врачебнай амбулатория, Томмокко оҕо искусствотын оскуолата, Сунтаарга спорткомплекс уонна түөрт уһуйаан аһылыннылар.
Ньурба улууһун Хаҥалаһыгар уһуйаан саҥа дьиэтэ аһылынна. Бу үөрүүлээх тэрээһини нэһилиэкпит олохтоохторо өр күүппүт, кэтэспит түгэннэрэ буолар. «Мин Сахам сирэ 21-с үйэҕэ» программата олоххо киирэн, былырыыҥҥыттан «Стройгассервис» тэрилтэ үтүө суобастаахтык үлэлээн эбийиэги киллэрдилэр. Хаҥаласка бу бастакы таас тутуу буолар. Онон сиэттэрэн бу уһуйаан саҥа үйэ кэрэһитэ буолан оҕолорбут, нэһилиэкпит сайдыытыгар төһүү күүс буолуо диэн эрэл уонна баҕа санааларын бүгүҥҥү тэрээһиҥҥэ кэлбит ыалдьыттар.
Ааһан эрэр 2024 сыл Оҕо саас, Дьиэ кэргэн сылларыгар биһиги, Ньурба улууһун Николай Иннокентьевич Кочнев аатынан 1-Хаҥалас орто оскуолабыт уһуйаанын саҥа дьиэтэ үөрүүлээхтик, бэлиэ түгэҥҥэ аһыллыбытыгар Ил Дархаммытыгар А.С. Николаевка, улууспут баһылыгар А.М. Иннокентьевка, нэһилиэкпит баһылыгар С.А. Винокуровка итии-истиҥ махтал тылларбытын этэбит.
Хаҥаласка уһуйаан аһыллан оҕо-аймах үүнэ чэчириэ!
«ЫЛЛЫК» пост Ньурба, Хаҥалас.
keskil14.ru