«АгроНТИ» — бу дойду тыа хаһаайыстыбатыгар сыһыаннаах национальнай технологическай инициативатын бырайыага.
Бүтүн Арассыыйатааҕы «АгроНТИ-2022» күрэххэ С.П. Данилов аатынан Бэрдьигэстээх оскуолатын үөрэнээччилэрэ икки хайысхатыгар өрөспүүбүлүкэ хамаандатын састаабыгар киирэн ситиһиилээхтик кытыннылар.
АгроРоботы — тыа хаһаайыстыбатын тиэхиньикэтин салайыы автоматизированнай тиһиктэрэ— 7 кылаас үөрэнээччитэ Василий Осипов III миэстэ!
АгроКосмос — космостан спутнигынан түһэриллибит хаартыскалары уонна вэб-ГИС технологияларын тыа хаһаайыстыбатыгар туһаныы — 11 кылаас үөрэнээччитэ Марианна Харлампьева Марианна ситиһиилээхтик кытынна.
«АгроНТИ-2022» Бүтүн Арассыыйатааҕы күрэххэ булугас толкуйдара чочуллан, болҕомтолоохтук сыһыаннаһан, өйдөрүн-санааларын ууран кыттыбыт үөрэнээччилэргэ, бэлэмнээбит учууталларга, өйөөбүт төрөппүттэргэ махтанабыт. Салгыы чинчийэр, айар үлэҕитигэр ситиһиилэри баҕарабыт.
Оскуола тыа хаһаайыстыбата сайдарыгар АгроНТИ хайысхаларынан үлэтин салгыы ыытар.
С.П. Данилов аатынан Бэрдьигэстээх орто оскуолатын «Кэскил» медиа- оскуолата.
keskil14.ru