Үөһээ Бүлүү улууһун норуотун маастара, учуутал Наталья Кривошапкина тохсунньу 17 күнүгэр «Айар дьоҕур уонна иэйии» («Творчество и вдохновение»), тымныы сатыылаан турарынан, куйаар ситимигэр оҥоһуктарынан быыстапкатын «Күбэйэ» эбээлэр түмсүүлэригэр тэрийэн ыытта.
Кини оҕо сааһыттан эбэтэ Анна Алексеевна, ийэтэ Мария Егоровна иистэнэллэрин көрөн, кинилэри утумнаан күн бүгүҥҥэ диэри иистэн илиитин араарбат. Кини оскуолаҕа үөрэнэ сырыттаҕына, Пелагея Афанасьевна Иванова иистэнэргэ, быысыбайдыырга, оҕуруо тиһэргэ үөрэппитин умнубат.
Наталья Александровна 2022-23 үөрэх сылыгар технология учууталынан үлэлиир. Кыргыттарга иис үөрүйэхтэрин үөрэтэр. Ордук өрбөх сыыһынан аттаран тигэрин сөбүлүүр. 2019 сыллаахха улуус киинигэр история уонна этнография түмэлигэр айар быыстапката аһыллан дьон сэҥээриитин ылбыта.
Наталья Александровна иистэнэрин сөбүлүүрүн, сиэннэригэр бэлэхтиирин туһунан хоһоон айар.
«Тымтык» эдкорпост, Ороһу орто оскуолата.