Улуу Кыайыы 80 сылыгар, Нерюнгри куорат төрүттэммитэ 50 сылыгар итиэннэ уһулуччулаах киһибит Гавриил Иосифович Чиряев төрөөбүтэ 100 сылыгар анаммыт XVIII Олонхо Ыһыаҕа Нерюнгри куоракка от ыйын 4 күнүгэр өрөгөйдөөхтүк аһылынна.
2005 сыл сэтинньи 25 кунугэр саха норуотун улуу олоҥхото «ЮНЕСКО» быһаарыытынан, киһи-аймах духуобунай култууратын кылаан чыпчаалын айымньытын быһыытынан ааттаммыта. Олоҥхо ыһыахтара 2006 сыллаахтан ыытыллар буолбуттара.
Арыйыы сиэрэ-туома алгыс уонна кымыс иһиититтэн саҕаламмыта, көрөөччүлэргэ эмиэ көрүүлээх театрализованнай ыалдьыттарга көрдөрдүлэр.
Олоҥхо Ыһыаҕын чэрчитинэн 70-тан тахса тэрээһин тэриллэр, олор ортолоругар өрөспүүбүлүкэтэҕи куонкурустар, спортивнай күрэхтэһиилэр, сиэр-туом, быыстапкалар, кэнсиэртэр, испэктээкиллэр, архыып видеоматырыйааллара, киинэлэр көрдөрүүлэрэ. Бастыҥ толорооччулар-олоҥхоһуттар, оһуохай ырыаларын уонна үгэс буолбут фольклору илдьэ сылдьааччылар кыттыахтара.
Ыһыах Олоҥхотун сүрүн алгысчытынан биллиилээх ырыаһыт Виталий Очиров буолла.
Гаврил ПРОКОПЬЕВ, IX кылаас, Абаҕа, Амма