Өрөбүл күн Үүнэр көлүөнэ тыйаатырыгар саҥа быыстапка арылынна. Бу быыстапка
тыйаатыр сүрүн худуоһунньуга Прасковья Дмитриевна Павлова уонна А.Л. Ким аатынан художественнай оскуола преподавателэ Анна Дмитриевна Саввина, кини үһүс сылын үөрэнэр оҕолорунуун хардарыта дьайсан үлэлээбит түмүктэрэ буолар.
Туох санааттан быыстапканы тэрийэргэ санаммыттарын, кылгастык бу курдук билиһиннэрдилэр: муус устар 22 күнүгэр художественнай оскуола оҕолоро тыйаатырга «Эдэр гвардия» испэктээги көрө кэлэллэр. Ити кэннэ оҕолор сөбүлээн көрөн, санаалара көтөҕүллэн, биир санаанан уруһуйдуурга санаммыттар.
Уһуйааччыларын кытта Анна Дмитриевналыын быыстапкаҕа сүрдээх үчүгэй уруһуйдарын көрдөрдүлэр. Оҕо хараҕынан көрбүтүн тутатына уруҺуй нөҥүө таһаарара ураты дьоҕур буолар эбит диэн бэлиэтиэххэ наада. Бу маннык курдук тэҥҥэ үлэлэһэр диэн олус наадалааҕын бары эттилэр. Сүрүннээн, бу бырайыагы төрүттээбит ааптардарга П.Д. Павловаҕа уонна А.Д. Саввинаҕа Үүнэр көлүөнэ тыйаатырын дириэктэрэ А.П. Павлов махтал тылларын тириэртэ. Оҕолорго хас биирдиилэригэр грамота туттартаата.
Ол курдук, хартыыналарга көрөбүт: кыыс үҥкүүтүн, листовка тарҕатар оҕолору, кыыстаах уол ардах анныгар олороллорун, баһаар буолбутун, онтон да атын көстүүлэри. Бу оҕолор харахтарыгар хатанан хаалбыт испэктээк түгэннэрин уруһуй нөҥүө көрдөрбүттэр.
Алгыстаана ЗАХАРОВА,
Дьокуускай куорат 25 №-дээх орто оскуолатын
7 кылааҺын үөрэнээччитэ.