Саамай күүтүүлээх сааскы күннэрбит тиийэн кэллилэр. Ону кытта халлаан уута сорох нэһилиэктэргэ суоһуур кутталлаахтар. Ол иһин, мин нэһилиэгим администрациятын үлэһиттэриттэн тэттик боппуруостарга эппиэттиэхтэрэ диэн эрэнэбин.
— Үтүө күнүнэн Мария Александровна! Нэһилиэккэ төһө сүөһү, сылгы баарый? Хас ыал сылгы, сүөһү тутарый? Кэтэх хаһаайыстыбаҕа кыстык хайдах ааһан эрэрий уонна туох ыарахаттар баалларый?
Мария Александровна:
— Нам улууhун “Хомустаах 2 нэһилиэгигэр” билиҥҥи туругунан 806 төбө сүөһү баар, сылгы ахсаана 1177 төбө баар. Нэһилиэккэ 47 ыал сүөһү, сылгы тутан олороллор. Кыстыгы этэҥҥэ аастылар. Быйыл хаар халыҥ буолан, от таһыытыгар ыарахаттары көрүстүбүт. От качествота мөлтөх.
Салгыы Нам улууһун “Хомустаах 2 нэһилиэгэ” муниципальнай тэриллии специалиһыгар тиийдим.
— Нэһилиэк сааскы субуотунньукка хайдах бэлэмнэнэрий, төһө киһи кыттарый, нэһилиэк тэрилтэлэрэ туох былааннаахтарый?
Новгородов Лев Николаевич:
— Нэһилиэк тэрилтэлэрэ бары: Е.П.Сивцев аатынан “2 Хомустаах орто оскуолата”, “Хомус” оҕо саада, 2 Хомустаах врачебнай амбулаторията, НКТЭ, ветеринария, олохтоох дьаһалта, “Сэргэлээх” култуура киинэ, биирдиилээн урбаанньыттар, “Чагда”, “Сайдам”, “Сатас”, “Дьулуур” түөлбэлэр, олохтоохтор бука бары “Чистый четверг” акция5а да кыттыһан, уу хаар ууллан, кууран эрэриттэн көрөн, ыраастаныы субуотунньуктарыгар тахсабыт. Ону таһынан, хаарбах туруктаах. Быраҕыллыбыт дьиэлэр өтөхтөрү, күрүөлэри-хаһаалары. Туһаттан тахсыбыт техника араамаларын, тимирдэри анал сиргэ тиэйии үлэлэрэ ыытыллаллар. Ону таһынан, протокола. Күөл кытыыларын ыраастааһыҥҥа болҕомто уурабыт. Сайын оҕо-аймах, дьон-сэргэ сөрүүкээн, сынньанан, сөбүлээн сылдьар сирдэрин ыраастык тутарга кыһаллабыт. Мырааммытыгар икки үөһэ дабайан, Сэргэлээх бөһүөлэгэр тахсар кирилиэстээхпит, саас алдьаммыт сирдэрин, үктэллэрин абырахтааһын ыытабыт.
— Эн санааҕар, халаан уута хайдах ааһыах курдугуй?
Новгородов Лев Николаевич:
— Ытык кырдьаҕас олохтоохторун кытта кэпсэтииттэн, быйылгы халаан уута кыһын хаар халыҥынан, улахан ууга бэлэмнэнин диэн сэрэтэн билгэлииллэр. Биһиги нэһилиэк ууга барар нэһилиэккэ киирсэбит. Бүгүҥҥү туругунан, Е.П.Сивцев аатынан 2 Хомустаах орто оскуолатын интерната, оҕолор оскуолаҕа ПВР-га (пункт временного размещения) көһөн таҕыстылар, малларын үрдүк сиргэ куоттардылар. Аллараа дэриэбинэни кытта «Тараҕай Бэс», «Буойун», «Үүнэр» учаастактара халаан уутугар барар кутталлаахтар.
Түмүктээн эттэххэ, муниципальнай тэриллии специалистар этэллэринэн быйылгы саас этэҥҥэ ааста. Ону кытары халлаан уута кэлэринэн сибээстээн олохтоохтор Кыайыы күнүн кэнниттэн арыыттан сылгыларын, сүөһүлэрин, отторун быстах кэмҥэ тутар пууннарга көспүттэрэ. Хааччахха 6 тонна от бэлэм турар. Уу цистернаҕа тиэйэн аҕалан туруорабыт. Сүрүннээн аллараа дэриэбинэҕэ дьон-сэргэ олохсуйаллар, аҕыйах дьиэни хаһаайыттар страховкалаттылар. Быйыл Нам улууhун “Хомустаах 2 нэһилиэгэр” сааскы субуотунньук үлэтэ олох эрдэттэн бэлэмнэнэн, былааннанан ыытыллар. Сүрүн идея — нэһилиэкпит ыраас көстүүлээх буолара олохтоохтортон тутулуктаах.
Матырыйаалы суруйда 9 кылаас үөрэнээччитэ Виктория Захарова,
Е.П.Сивцев аатынан 2 Хомустаах орто оскуолата, Нам.