Бу күннэргэ Маар орто оскуолатын «Юла» медиа-киинэ Ньурба оройуонун Түмүк нэһилиэгэр үлэлиир врачебнай амбулатория сэбиэдиссэй бырааһын Юлиан Семенович Чочановы көрсөн кэпсэттэ.
— Юлиан Семенович дорообо, балыыһа биһиги нэһилиэкпитигэр хас сылтан үлэлиирий?
— Маарга 1943 сыллаахха бастаан медпуун аһыллыбыта, 1995 сылтан участковай балыыһа буолбута, билигин врачебнай амбулатория буолан үлэлиир.
— Диспансеризацияҕа нэһилиэк олохтоохторо төһө көрдөрүнэллэрий?
— Диспанцеризацияны ааһар дьон сылтан сыл аайы элбии турар, холобур, 2024 сыллаахха 107, 2025 сылга 150 улахан киһи диспанцеризация аастылар. 2026 сыл бастакы квартал түмүгүнэн 90 киһи диспанцеризация ааста. Статистика түмүгүнэн, дьон доруобуйатын көрүнэрэ, харыстанара сылтан сыл элбээтэн элбээн иһэр.
— Быйыл передвижной ФЛГ-нан нэһилиэккэ төһө киһи туһанна?
— Быйыл бастакы квартал түмүгүнэн ФЛГ-га 212 киһи түстэ. ФЛГ-га сылга биирдэ түһүөххэ наада, тыҥаҕа первичнай профилактика буолар, тыҥаҕа баар ыарыыны булуон сөп. Ааспыт сылы кытта тэҥнээтэххэ ФЛГ-нан нэһилиэнньэ 90%-на хабылынна.
— Онтон нэһилиэкпитигэр демография кэнники сыллары тэҥнээн көрдөххө хайдаҕый?
— Ньурба балыыһатын статистика и информатизация отдела көрдөрөрүнэн, Маарга улаханныын-оҕолуун 2021 сылга 627, 2022 сылга – 611, 2023 сылга – 588, 2024 сылга – 585, 2025 – 613 киһи баар.
— Биһиги нэһилиэкпитигэр «Активное долголетие» бырагыраама үлэлиир дуо?
— Российскай Федерация үрдүнэн икки национальнай проект баар «Активная продолжительная жизнь» и «Здравоохранение». Сыала соруга – дьон үйэтин уһатарга, 80-ча сааска тиэрдиэххэ наада диэн. Диспанцеризация түмүгүнэн, диспанцернай учуокка турбут дьон, балыыһаҕа кэмиттэн кэмигэр көрдөрөн, доруобуйаларын кэтэнэ, эмтэнэ сылдьыахтарын наада.
— Нэһилиэнньэни льготалаах эминэн хааччыйыы хайдах барарый?
— 2025 сылга бюджекка аҕыйах харчы көрүллүбүт буолан эминэн хааччыйыы кыччаан, сорох дьон эмкэ тиксибэт этэ, быйыл харчытын элбэттилэр, онон льготалаах эмпит астмалаах, диабеттаах, инбэлииттэр, сүрэх ыарылаах дьоҥҥо, маны таһынан инбэлиит оҕолорго федеральнай льгота уонна муниципальнай льгота 3 саастарыгар дылы оҕолорго тиксиэ диэн эрэнэбит.
— Юлиан Семенович, «Земский доктор» бырагыраама туһунан билиһиннэриэҥ дуо?
— Мин «Земский доктор» бырагырааманан кэлэн үлэлии сылдьабын. Үөрэххин бүтэрэн, тыа сиригэр 5 сылга кэлэн үлэлиир буоллаххына, эйиэхэ государство 2 мөл. солк. өйүүр, маны таһынан Ньурба оройуонугар «Нюрбинский доктор» диэн бырагыраама баар, тыа сиригэр кэлэн үлэлиир быраастары 1 мөл. солк. өйүүллэр.
— Юлиан Семенович, махтал, эйиэхэ уонна кэлэктиипкэр ситиһиилээх үлэни баҕарабыт.
Корреспондент Уйгууна АФАНАСЬЕВА, уһулуу Виталий ФЕДОРОВ,
«Юла» медиа-киин, Маар орто оскуолата, Ньурба улууһа.
Кэскил14.ру