Мин «Түѳлбэ» оҕо киинигэр тѳрѳѳбүт кыраайы үѳрэтэр куруhуокка иккис сылбын дьарыктанабын. Киин үлэһиттэрэ араас интэриэһинэй куонкурустары ыыталлар. Ааспыт ыйга «Түөлбэҕэ» Ийэ күнүгэр аналлаах «Мин ийэм» диэн уруhуй куонкуруһугар кыттан, иккис миэстэ буоллум, грамотанан уонна минньигэс ас бириис тутан үѳрдүм. Салайааччым- Н.И.Семенова.
Барыта 54 үлэ киирбиттэн 1 миэстэни «Дьырылы» куруһуок иитиллээччитэ Павлова Милана, IV «а” кылаас, ылла (салайааччы Т.С. Уваровская). Үһүс миэстэ Мордосова Нария «Декор» куруһуок, салайааччы С.Г. Гаврильева.
Биһирэбил — Новгородова Вика («Дьырылы» куруһуок, салайааччы Т.С.Уваровская) уонна Васильева Аделина («Дьүрүскэн», салайааччы С.В.Колодезникова).
Валерия Романова, III кылаас.