Намнааҕы «Түөлбэ» оҕо киинин иитиллээччилэрэ саха норуотун биллиилээх поэта П.Н.Тобуруокап 105 сылыгар аналлаах тэрээһиннэри сырдаталлар.
Алексеев Сайаан, 3-с кылаас үөрэнээччитэ, «Сардаӊа» эдкорпост:
— Намнааҕы оскуола-садка үhүс кылааска үөрэнэбин. «Түөлбэ» оҕо киинигэр «Төрөөбүт кыраай» куруhуокка дьарыктанабын. Мин бибилэтиэкэҕэ сылдьарбын сөбүлүүбүн. Улуустааҕы оҕо бибилэтиэкэтигэр бибилэтиэкэр Брежнева Варвара Ефремовна поэт Петр Николаевич Тобуруокап айар үлэтин туhунан кэпсээтэ.
«Чыычаахтар күнү көрсөллөр» диэн уонна да атын кинигэлэрин көрдүбүт. Поэт хоhоонорун ырыттыбыт. Мин ордук атаах кыыс туhунан сөбүлээтим. Поэт оҕолорго анаан элбэх хоhоону суруйбут. Хоhоонноругар ырыа суруллубут.
Мин иллэҥ кэммэр лего оӊорорбун сөбүлүүбүн. Араас куонкурустарга кыттабын. Фортепиано куонкуруһугар бастакы миэстэ буолбутум. Элбэҕи билиэххин-көрүөххүн баҕарар буоллаххына, бибилэтиэкэҕэ сылдьан, элбэх кинигэни аах.
Алена Гуляева, 3-с кылаас үөрэнээччитэ:
— З.А.Тихонова аатынан «Түөлбэ» оҕо киинигэр саха норуотун биллиилээх поэта П.Н.Тобуруокап 105 сылыгар аналлаах поэт айымньыларынан хоһоон уонна «Кырадаһын хоһооннор» уруһуй уонна иис (панно) күрэҕэ буолан ааста. «Кыраайы үөрэтии» куруһуоктан (салайааччы Н.И.Семенова) мин уонна Алена Гуляева поэт «Ньургуһун» диэн хоһоонугар уруһуйунан кыттан, сертификатынан уонна кинигэнэн наҕараадаланныбыт.
Биһигиттэн өссө Романова Валерия уонна Николаев Алик, эмиэ 3-с кылаас үөрэнээччилэрэ, хоһоон күрэҕэр кыттан, анал сертификатынан наҕараадаланнылар.
Оҕолор бары көхтөөхтүк кытыннылар. Бу үөрүүлээх тэрээһини «Түөлбэ» бибилэтиэкэрэ Потапова Ольга Ивановна иилээн-саҕалаан ыытта. П.Н.Тобуруокап олоҕун, айар үлэтин туһунан олус үчүгэйдик кэпсээтэ. Оҕолор бары олус сэргээн иһиттибит.
Поэт «Учууталга үөрэммиттэр» диэн хоһоонун дорҕоонноохтук ааҕарга күрэхтэстибит.
Үөһээ Бүлүү улууһун П.Н.Тобуруокап аатынан Нам орто оскуолата тэрийбит «Кырадаһын хоһооннор» панно, уруһуй уонна иис оҥоһуктар өрөспүүбүлүкэтээҕи күрэхтэригэр тастан кытынныбыт.
Биһигиттэн «Дьырылы» куруһуок «Хатыҥ» үлэтэ 2-с миэстэни ылан, Добун суругунан наҕараадаланнылар.
«Дьырылы» куруһуок төрөппүтэ Е.В. Парникова оҕотунуун оҥорбут «Маҥан мастар» паннота 2-с миэстэни ылла. Сертификаты улуустааҕы гимназия 11-с кылааһын үөрэнээччитэ Камила Протодьяконова «Ньургуһунна бэлэхтээ» үлэтинэн уонна 2 №-дээх Нам орто оскуолатын 9-с кылааһын үөрэнээччитэ Бястинова Анджела «Кыһын» үлэтинэн ыллылар.
«Сахалыы иис» куруһуок үөрэнээччилэрин үлэлэрэ сертификатынан наҕараадаланнылар.