Эбии үөрэхтээһин үлэтэ хаһан да бүппэт, сайыннары күөстүү оргуйар. Намнааҕы «Түөлбэ» оҕону сайыннарар киин «Сахалыы иис» устуудьуйа быыстапкатын туһунан Надежда Семенова кэпсиир.
Намнааҕы эбии үөрэхтээһин» Түөлбэ» киинигэр «Сахалыы иис» устуудьуйа оҕолорун айар быыстапкалара буолан ааста. Киирии тылы «Түөлбэ» дириэктэрэ Надежда Гаврильевна Дьячковская эттэ. Салайааччылара Мария Петровна Сыромятникова оҕолорго быйылгы элбэх үбүлүөйдээх сылга аналлаах үлэтин туһунан кэпсээтэ.
Саха АССР 100 сылыгар, Ийэ сылыгар уонна М.К.Аммосов төрөөбүтэ 125 сылыгар аналлаах оҕолору кытта тикпит үлэлэрин билиһиннэрдэ, көрдөрдө.
![](https://keskil14.ru/wp-content/uploads/2022/07/274c9674-b6c4-43f0-a63d-62d6c7e608be.jpg)
Бу үлэлэринэн улуустааҕы, өрөспүүбүлүкэтээҕи быыстапкаларга кыттан, Гран при, I, II, III степеннээх дипломант үрдүк аатын ылбыттар. Маны таһынан, «Краевед» куруһуок салайааччыта Надежда Ивановна Семенова оҕолорго М.К. Аммосов оҕо сааһын, олоҕун туһунан кэпсээтэ, буклеты көрдөрдө. Оҕолор наһаа интэриэһиргээн иһиттилэр.
Быыстапкаҕа Мария Петровна иитиллээччитэ Таня Сидорова кэлэн ыалдьыттаата , саҥа үлэлэрин билиһиннэрдилэр. Бу тикпит көбүөрдэрин М.К. Аммосов үбүлүөйдээх сылыгар анаан, сайыҥҥы куруһуок бириэмэтигэр улахан группа иитиллээччилэрин кытта тикпиттэр. Көбүөрү Таня Сидорова ( НПК 3 курсун студенката), Сайаана Сыромятникова (7 кылаас,НСОШ N 1) , Камила Протодьяконова (10 кылаас, НУГ) тигистилэр. Бу көбүөрдэрэ уонна «Дьырыбына Дьырылыатта — Кыыс Бухатыыр олонхо дойдутун устун айана» кыттыгас улахан үлэлэрэ бу от ыйын 29-30 күннэригэр Москваҕа Нам улууһун күннэрин мероприятыгар быыстапкаҕа кыттыаҕа.