Олунньу 29 кунугэр Нам улууһун Түбэ нэһилиэгэр СӨ Правительствотын ааспыт 2023 сыллааҕы үлэтин отчтун сырдатаары СӨ ДВФО-ҕа постояннай представителэ Ким Борисов уонна 17 араас тэрилтэ салайааччыта кэлэн бардылар.
Киһи бөҕө мунньустан отчуоту долгуйа иһиттилэр, ыйытыыларын уонна этиилэрин киллэрдилэр. Нэһилиэк дьонун сүрүн ыйытыыта-этиитэ оскуолабыт хаарбах туруктааҕын, саҥа оскуола тутуутун ыксатар быһыыга сыһыаннаах буолла. Түбэбит убаастанар-ытыктанар киһитэ Розалия Егоровна Лукина Үрүҥ Күөлгэ даамбаны сөргүтэллиригэр баҕа санаатын эттэ. Үрүҥ Күөлбүт ураты харыстанар сир буолар, итиннэ олохтоохтор оттуулларыгар, сири туһаналларыгар көҥүл бэриллэрэ буоллар диэтэ.
Ону таһынан маннык этиилэр киирдилэр:
- нэһилиэк иһинээҕи ырааһырдыыга үлэлэһии;
- тыа хаһаайыстабын үлэтин чэпчэтии;
- от хаачыстыбатын үрдэтэргэ, сир өртөөһүнэ;
- тэрээһиннээх хаһаайыстыба үүт аһын оҥорон таһаарарыгар мобильнай тэрил ыларыгар көмө оҥоруу;
- байыаннай дьайыы (СВО) кыттыылаахтарын дьиэ кэргэттэригэр көрүллэр көмө ирдэбилин сырдатыы;
- адьырҕа кыылларын бултуурга ураты харыстанар сиргэ киирэргэ көҥүл биэрии уо. д. а.
Түмүккэ Түбэ олохтоохторо СӨ Правительствотын ааспыт 2023 сыллааҕы үлэтин бары биһирээтилэр, уонна нэһиэликкэ өйдөбүнньүк гына үс туомнаах историческай альбом бэлэхтэннэ.
Гаврил Дьяконов,
Түбэ оскуолатын 10 кылаас үөрэнээччитэ.