Тохсунньу 29 күнүгэр Нам улууһун Нам сэлиэнньэтигэр З.А. Тихонова аатынан «Түөлбэ» Оҕо Киинигэр норуот сомоҕолоһуутун сылыгар аналлаах тематическай киэһэни ыыттыбыт. Аактабай сааланы патриотическай хабааннаах киэргэттибит: экраҥҥа — Россия норуоттарын доҕордоһууларын көрдөрөр мас, онно оҕолор уруһуйдаабыт былаахтарын сыһыардылар.
Бырааһынньык үөрүүлээх аһыллыытыгар «Саһарҕа» телестудия оҕолоро Норуот сомоҕолоһуутун историятыттан кэпсээтилэр. Онтон «Түөлбэ» Оҕо Киинин дириэктэрэ Надежда Гаврильевна Дьячковская эҕэрдэ тыл эттэ, гражданскай уонна патриотическай иитиини уонна культурнай нэһилиэстибэни ытыктааһыны үөскэтиигэ бүгүҥҥү тэрээһин оруолун, суолтатын бэлиэтээн туран, Норуот сомоҕолоһуутун Сыла саҕаламмытын билиһиннэрдэ.
Салгыы куруһуок, студия хас биирдии бэрэстэбиитэлэ презентация көмөтүнэн бэйэлэрэ көрдөрөр норуоттарын историятыттан өрөспүүбүлүкэ бэлиэтин, Арассыыйа өрөспүүбүлүкэлэрин норуоттарын култууратын билиһиннэрдилэр. Тэрээһин Арассыыйа норуоттарын араас култуураларын көрдөрөр ырыаларынан, үҥкүүлэринэн түмүктэннэ.
Маннык тэрээһиннэр бырааһынньык эрэ буолбакка, иитии үлэ биир көрүҥүнэн буолаллар. Ол курдук патриотизм, толерантность, гражданскай эппиэтинэс уонна атын омукка ытыктабыл үөскүүрүгэр көмөлөһөллөр.
Надежда Ивановна Семенова, эбии үөрэхтээһин педагога