Муус устар 27 күнүгэр П.Н. Тобуруокап аатынан Нам орто оскуолатыгар үгэскэ кубулуйбут «Оскуола күнэ» 17 төгүлүн үрдүк таһымнаахтык ыытылынна.
Бу күн биһиги, 5 кылаас үөрэнээччилэрэ, Е.В. Ноговицына аатынан оскуола музейыгар сырыттыбыт. Ааспыт сыллааҕы выпускниктар туһунан оскуола музейын салайааччыта Любовь Николаевна Сидорова кэпсээтэ. Бэйэтэ мунньубут Саха сирин туһунан үгүс элбэх значоктар, ручкалар коллекцияларын көрдөрдө.
Түгэнинэн туһанан, 1983 сыллааҕы выпускниктар ааттарыттан Розалия Тарасова эҕэрдэ суруктарын, урукку, билиҥҥи оскуола ойуулаах, моойго иилинэр шарфигы туттарда. Биһиги олус интириэһиргээн көрдүбүт, иһиттибит.
Ясмина Афанасьева, 5 кылаас үөрэнээччитэ, Үөһээ Бүлүү, Нам.