Н.Е.Мординов-Амма Аччыгыйа аатынан Харбалаахтааҕы үөрэхтээһин холбоһугар судаарыстыбаннас күнүн бэлиэтиир үөрүүлээх тэрээһин Арассыыйа уонна Саха сирин гимнэрин истииттэн саҕаланна.
4 кылаас үөрэнээччилэрэ судаарыстыбаннас күнүн туһунан кэпсээтилэр, Саха сирин туһунан хоһооннору иэлиилээхтик аахтылар.
Олохтоох «Ини-бии Мординовтар» түмэллэрин сэбиэдиссэйэ Сардаана Александровна Васильева бу күн суолтатын чопчулаан быһаарда, эҕэрдэтин тириэртэ. Саха тылын учуутала Валентина Семеновна Кривошапкина Саха сирин историятын кэпсээн баран, бииктэринэ ыытта.
Оҕолор биктэриинэҕэ актыыбынайдык кытыннылар, ким саамай элбэҕи сөпкө эппиэттээбит оҕолор история предметигэр «5» сыананы ыллылар.
Тэрээһин саха норуодунай бэйэтиэссэтэ Сайа тылларыгар, Ангелина Файрушина матыыбыгар «Сахам сирэ» ырыаны күргүөмүнэн ыллааһынынан түмүктэннэ.
Наташа НИКИФОРОВА, 11 кылаас үөрэнээччитэ.