Ахсынньы 10 күнүгэр ыаллыы сытар 1 Хаҥалас нэһилиэгиттэн Д.А. Слепцов аатынан Эбээх орто оскуолатын үөрэнээччилэрэ кэлэн гастроллаан бардылар.
Биһиги ыалдьыттарбытын олохтоох кыраайы үөрэтэр мусуойбутугар сырытыннардыбыт. Кинилэр ордук көтөрдөр чуучулаларын сэҥээрдилэр. Ким оҥорорун ыйыталастылар. Дьиҥнээх курдуктар диэн, итэҕэйбэттии, тутан да көрдүлэр. Барыта манна бултаммыт көтөрдөр буолалларын, сорох экспонаттар сэдэх буолалларын сөҕө көрдүлэр. Носорог төбөтүн уҥуоҕун, үрүҥ эһэ төбөтүн уҥуоҕун эмиэ бэркэ сэҥээрдилэр. Оттон салайааччылар төһө уһун кэмҥэ экспонаттар хомуллубуттарын, мусуойбут хаһан төрүттэммитин ыйыталастылар. Уолаттар хара тыа хаһаайына тыатааҕы чуучалатын көрөн сөхтүлэр, араас ыйытыылары биэрдилэр, хаартыскаҕа түстүлэр.
Концертыыр дьон буолан, бэлэмнэниигэ ыксаан сигиччи көрбөтүлэр. Кинилэр бөһүөлэктэригэр маннык музей суоҕуттан олус хомойдулар.
Изабелла Ноговицына,
Орто Халыма, Өлөөкө-Күөл б.