Муома орто оскуолатын дириэктэрин Василена Васильевна Тихонованы кытта 7 «А» кылаас үөрэнээччитэ, юнкор Тиана Новогородова сэһэргэстэ. Оскуоланы салайарга туох ирдэбил баарын, нэһилиэк сайдыытыгар оскуола туох оруоллааҕын туһунан сиһилии видеоинтервьюга истиэххит.
— Үтүө күнүнэн! Бэйэҕит тускутунан билиһиннэриҥ.
—Мин аатым Василена Васильевна Тихонова диэн, Муома орто оскуолатыгар дириэктэринэн үлэлиибин.
— Учутал идэтин туох санаалаах талбыккытый?
— Муома орто оскуолатыгар 10-11 кылааска үөрэнэ сылдьан педкылааска үөрэммитим. Ол саҕаттан билэр этим оскуолаҕа үлэлии кэлиэм диэн. Педкылааһы бүтэрэн бараммын, Дьокуускайдааҕы государственнай университетка пединститутка туттарсан киирбитим. Ол үөрэхпин бүтэрээт манна дойдубар үлэлии кэлбитим.
— Оскуоланы салайарга эн санааҕар туох ирдэбил баарый?
— Оскуоланы салайарга бастатан туран киһиттэн улахан эппиэтинэс ирдэнэр. Уонна саамай сүрүнэ диэн олох үчүгэй хамаандалаах буолуоххун наада. Эйиигин өйүүр, биир суолу тутуһар дьон аттыгар баар буолуохтаах.
— Нэһилиэк сайдыытыгар оскуола оруолун туһунан санааҕын үллэһиҥ.
— Нэһилиэк сайдыытыгар оскуола оруола баһаам. «Оскуола баар буоллаҕына нэһилиэккэ олох баар» — диэн этэллэр. Оскуола барыларын түмэр сир. Оҕолору, төрөппүттэри, учууталлар, үөрэх эйгэтигэр сыһыаннаах дьону, салайааччылары. Бу оскуолаҕа үөрэммит оҕо нэһилиэгэр кэлэн үлэлиирин туһугар биһиги үлэлиибит. Оскуолаҕа сөпкө үөрэттэхтэринэ ол оҕо кэлэн нэһилиэгин туһугар кэлэн үлэлиэ этэ.
— Эппиэттэриҥ иһин махтал! Үлэҕитигэр ситиһиилэри.
Тиана Новогородова,7 «А» кылаас, Муома орто оскуолата