Муома оройуонун Соболоох орто оскуолатыгар физкультура учуутала А.П. Кучаров бырайыагынан оройуоҥҥа бастакы спорт лааҕыра бу күннэргэ 10 күн устата тигинэччи үлэлээтэ.
Манна Муома оройуонун Төбүлэх, Индигир, Сайдыы оскуолаларын оҕолоро кэлэн спорт-лааҕыр анал эрчиллиитин аастылар. Лааҕыр кэмигэр оҕолор 6 чаастан киэһэ Александр Петрович анал методикатынан дьарыгы тулуурдаахтык аастылар. Хас биирдии оҕо күүстээх эрчиллиини , бэлэми тиритэ-хорута бардылар.
Лааҕыр «Өбүгэ оонньууларынан» түмүктэннэ. Тыҥааһыннаах күрэх түмүгунэн уолаттарга бастакы миэстэҕэ Сайдыы оскуолатын уолана Уваровскай Хасан итэҕэтиилээхтик бастаата. Иккис бириистээх миэстэҕэ Индигир оскуолатын үөрэнээччитэ Никулин Артем таҕыста. Үһүс бочуоттаах миэстэни Уваровскай Тимур (Сайдыы) дьулуурдаахтык киирсэн ылыан ылла.
Кыргыттар ортолоругар уолаттардааҕар да тутум эргииргэ элбэҕи оҥорон Слепцова Мила (Соболоох) бастаата. Иккис Березкина Таня (Соболоох), уһус Хабарова Валерия (Соболоох) буолуталаатылар.