Мугудай оскуолатыгар биир дойдулаахтара, космофизик Д.Д.Красильников төрөөбүтэ 100 сылын бэлиэтээтилэр

Мугудай оскуолатын үөрэнээччилэрэ биир дойдулаахтара Ленинскай премия лауреата, космофизик Д.Д.Красильников төрөөбүтэ 100 сылын бэлиэтээтилэр.

Ленинскай премия лауреата, космофизик Дмитрий Данилович Красильников  Чурапчы улууһун Мугудай нэһилиэгин кэрэ көстүүлээх Бүөчээни алааһыгар төрөөбүтэ.

Бу хаартыскаҕа көстөр чоҕулуччу көрбүт Митя уолчаан оҕо сааһа сайынын күн уотугар чаҕылыйа оонньуур уутугар сөтүөлээн, алааһын көнө кырдалыгар дуоһуйа оонньоон, оччотооҕу кэм  сиэринэн, буһурук куйааска оттоон- мастаан, кыһынын тохсунньу торулуур тымныытын аахсыбакка таһырдьа хачыгырайа үлэлээн олох оскуолатыгар мускуллубута.

Кини дьолугар 1931 сыллаахха Маралаайыга оскуола  тутуллан, аһыллыбыта. Сааһынан да, уҥуоҕунан да кыра Миитэрэй үөрэххэ ураты дьоҕурдаах, олус чаҕылхай оҕо эбит. Сылга иккилии кылааһы көтөн, Мугудайга кылгас кэмҥэ үөрэммит. Ол кэнниттэн Чурапчыга ШКМ-ҥа (школа крестьянской молодежи)  киирбит.

Ити курдук учуонай –учуонай буолуох курдук, тэтимнээхтик үөрэнэн билии-көрүү аартыгын арыйан, элбэҕи ааҕан, бииртэн биир үөрэх кыһатын бүтэрбит. Кини оччотооҕу оҕо сааһын туһунан оройуон да, өрөспүүбүлүкэ да хаһыаттарыгар элбэҕи ааҕыахха сөп.

Кини туһунан Интэриниэт ситимигэр сурулла сылдьар:

«Д.Д.Красильников — заслуженный деятель науки ЯАССР, известный ученый в области изучения космических лучей сверхвысоких энергий, участник Великой Отечественной войны. В 1948 г. он начал работу на станции космических лучей, организованной при Якутской научно-исследовательской базе АН СССР. Изучал метеорологические эффекты в космических лучах, экспериментально подтвердил теорию метеорологических эффектов Фейнберга-Дормана в вариациях интенсивности космических лучей. Внес определяющий вклад в разработку проекта Якутской комплексной установки ШАЛ, предназначенной для наблюдения космических лучей с энергией 10¹⁷-10²⁰ эВ. С помощью этого метода был получен экспериментальный энергетический спектр космических лучей в области энергий 3×10¹⁷ – 10²⁰ эВ, впервые установлена его нерегулярность».

Ленинскай премия лауреата, космофизик Д.Д.Красильников төрөөбүтэ 100 сылын көрсө  кини аатын сүгэр оскуолаҕа араас тэрээһиннэр буоллулар: эссе куонкуруһа, математика олимпиадата, ракета макетын оҥоруу уо.д.а.

Биһиги, Мугудай оскуолатын үөрэнээччилэрэ, учуонай биир дойдулаахпытынан киэн туттабыт.

Ааптар: Маша Слепцова , 11 кылаас үөрэнээччитэ.