«Пора роста» тэйиччиттэн тэрээһиннэр киин 2021 сыллаахха «Муҥха саха төрүт» үгэһэ оҕолор айар үлэлэрин хомуурунньугун таһааран турар.
Манна II «Муҥха саха төрүт үгэһэ» өрөспүүбүлүкэтээҕи уруһуй күрэх кыттыылаахтарын айар үлэлэрэ бэчээттэнэн ааҕааччы киэҥ араҥатыгар ананнылар. Кинигэ таһыгар улуустааҕы оҕо саас киинин «Маранга» уруһуй куруһуогун иитиллээччитин Алгыстаана Колесова үлэтэ туһаныллыбыт.
Мир Слепцов «Маранга» уруһуй куруһуок салайааччыта:
— Бу күрэхтэһиигэ мин уопсайа 4 оҕону кытыннарбытым. Алгыстаана үлэтэ биһиги үөрүүбүтүгэр Гран-при үрдүк аатын ылбыта. «Байанай» сурунаалга эмиэ тахсыахтаах этэ. Бу хомуурунньуука Айкуо Горохова үлэтэ эмиэ киирбититтэн олус үөрдүм.
Бу брошюра оҕо-аймах, улахан да дьоҥҥо олус туһалаах сибидиэнньэлээх буолан тахсыбыт эбит. Муҥха быраабылалара, кылгас тылдьыт, ахтыылар, хоһооннор киирбиттэр.
Оҕолорбут ситиһиилэринэн киэн туттабыт. Инникитин өссө кыайыылары баҕарабыт!
«Түгэһиир сардаҥалара» эдкорпост,
Эбээн-Бытантай улууһа.