Биһиги, «Кэскил» медиа оскуола юнкордара уонна анал байыаннай дьайыылар байыастарын оҕолоро путевка ситиһэммит, Россия киин куоратыгар Москваҕа сылдьабыт.
Варвара Альбертовна уонна Алексей Николаевич диэн олус үчүгэй сирдьиттэрдээхпит. Кинилэр биһигини илдьэ сылдьан, Москва куораты көрдөрөллөр.
Москваҕа кэлбит күммүтүгэр гостиницабыт таһыгар турар пааркаҕа күүлэйдээбиппит. Иккис күммүтүгэр Кыһыл болуоссакка сылдьыбыппыт. Манна олус элбэх историческай дьиэлэр, таҥара храмнара, церковтар, паамытынньыктар бааллар. «Спасская башня», «Кремль-Москва» кэрэхсэбиллээх сирдэригэр сырыттыбыт.
Российскай Федерация иһинэн Саха өрөспүүбүлэкэтин бастайааннай бэрэстэбиитэлистибэтин дьиэтигэр тиийэн салалтаны кытта көрүстүбүт.
Хаалбыт күннэрбитигэр биһигини өссө интэриэһинэй экскурсиялар, пааркалар, аквапарк күүтэллэр.
Вилена СТРУЧКОВА, VIII кылаас,
С.К. Макаров аатынан Чурапчы гимназията