Кустуур эбэтэр Аллараа Бытантай нэһилиэгэ кэрэ айылҕалаах дьикти сир, Эбээн-Бытантай национальнай улууһун биир тэйиччи сытар нэһилиэгэ.
Кустуурбутугар икки оскуолалаахпыт, орто уонна алын кылаастар оскуолалара, оскуолабыт оҕотун ахсаана — 88. Оскуолабыт иннигэр нэһилиэкпит дьаһалтатын дьиэтэ турар. Онтон уулуссанан салгыы баран истэххэ, икки оҕо уһуйаана тураллар.
Саас аайы оҕолор Кустуурбут оскуолатыттан ыстаадаҕа үлэлии тахсаллар, онтон хаалбыт оҕолор волонтердуу эбэтэр оттуу тахсаллар. Кустуурбут киэн туттар хайалар Дэллээ хайа уонна кини аттыгар турар Уһуктаах хайа.
Кустуурбутугар сылгыны уонна саха ынаҕын иитэр ыаллар урукку кэмнэртэн, аҕыйаҕын да иһин, төрүт дьарыгы илдьэ сылдьаллар.
Кустуурбут гиэрбэтин көтөрдөрө, убаастанар тойон Хотой көтөр уонна куба, кыталык буолаллар. Билигин Кустуурбутугар 700-чэкэ киһи олорор. Сайын киһи сынньана балыктыы тахсан сынньаныан сөп. Онтон күһүн сир аһылыгын: сугуну, отону, тэллэйи хомуйа барыахха сөп.
Видеоҕа туһаммыт хаартыскаларбыт ааптардара: Черепанова Светлана Семеновна, Ранид Горохов, 9 кыл.
Кэрэспэдьиэн: Владимир Попов, 10 кыл.
Оператор: Виктор Сыромятников, 8 кыл.
Суруйда уонна видеоны таҥна: Святослав Слепцов, 10 кыл.
«Биракчаан» медиа-киин, Кустуур орто оскуолата.
keskil14.ru