Поэт олоҕун аргыһа, үтүө айымньылара биһиги күннээҕи олохпут сирдьитэ,
кэрэҕэ-үрдүккэ угуйар ымыыта
Кулун тутар сааскы ый. Ол эрээри тымныы уораанын улгумнук ыһыкта охсон биэрбэт. Тымныы оҕуһа моонньоох баһа быстан, көхсүн түгэҕиттэн түөрт уон уораанынан, түөрт уон түөрт дьыбарынан тыынар. Ол да иһин кулун тутар тибиилээх-хаһыылаах, кубулҕаттаах.
Кулун тутар 20 күнэ – норуот тапталлаах суруйааччыта, норуодунай поэт, общественнай деятель, Сэбиэскэй Сойуус бары өрөспүүбүлүкэлэригэр уонна омук дойдуларыгар биллэр, үрдүктүк сыаналанар улахан суруйааччы, салайааччы, М. Горькай аатынан Государственнай бириэмийэ лауреата Семен Петрович Данилов күн сирин көрбүт бэлиэ күнэ. Бу күн кини туһунан ахтан ааһар тоҕоостоох.
***
Семен Данилов 1947 сылтан ССРС Суруйааччыларын сойууһун чилиэнэ. Горнай улууһун Мытаах нэһилиэгэр 1917 с. кулун тутар 20 күнүгэр төрөөбүтэ. Дьокуускайдааҕы педагогическай институту, Москваҕа А.М. Горькай аатынан Литературнай институт Үрдүкү литературнай кууруһун бүтэрбитэ. Орто оскуолаҕа нуучча тылын уонна литературатын, пединститукка саха литературатын историятын преподавателинэн үлэлээбитэ. Саха литературата киэн эйгэҕэ тахсыытын аан бастаан далааһыннаахтык тэрийбитэ.
1950-с сыллар саҕаланыыларыгар Семен Данилов, омугумсуйууга буруйданан, үлэтиттэн уһуллубута, айар эйгэтиттэн туоратыыны, хоһооннорун, киэҥник биһирэнэр ырыаларын норуоттан тэйитэ сатааһыны тус бэйэтинэн билбитэ. Ол эрээри поэт кырдьыгын айар үлэтинэн итэҕэтиилээхтик чаҕылхайдык дакаастаабыта диир кыахтаахпыт. Кини «Нууччалыы мин билиим» диэн хоһоонун туруору тылбааһын оҥорон, Москваҕа «Литературная Россия» хаһыакка ыыппыта. Хаһыат эрэдээктэрэ Константин Симонов бу айымньыны интэриэһиргээн, поэт Михаил Львовка тылбаастаппыта, бэчээттэппитэ. Семен Даниловы оччотооҕуга саҥардыы аһыллыбыт Үрдүкү литературнай куурустарга ыҥырбыттара.
Кини Москваҕа олорор, үөрэнэр кэмигэр саха литературатын, поэзиятын, саха маҥнайгы улахан суруйааччыларын туһунан толкуйдарын «Чахчылар уонна санаалар» диэн ааттаабыт тэтэрээтигэр суруйбутун бэчээккэ тахсыбыт
кэрчиктэригэр ааҕан аһардахха, олоҕун тиһэх күннэригэр диэри Саха сирин Суруйааччыларын сойууһун салайбыта. Бу кэмҥэ саха классиктара Өксөкүлээх Өлөксөй, Алампа, Н.Д. Неустроев, Платон Ойуунускай айымньыларын нууччалыы тылбаастаабыта.
Поэт Николай Егорович Мординовка-Амма Аччыгыйыгар анаабыт «Саха таптала» хоһоонуттан:
Мин, саха ыччата буоламмын
Дойдубун сахалыы таптыыбын.
Сүрэҕим нэлэмэн истиэптэн,
Арыылаах алааһын ордорор,
Сайылык үөрүүлээх түптэтин,
Ахтыылаах түүл, номох оҥостор.
Куртуйах тохтообот чараҥын
Чараҥҥа отойун аахпаппын,
Чалбахха холуубун көннөрү,
Собото, куһа суох күөллэри.
Поэт, омос көрдөххө, сонун уобараһы арыйа сатаабат курдук. Ол эрээри хоһоонноро ааҕааччыны өрүү толкуйдаталлар, долгуталлар, билигин дьыл көстүүтүнэн холобурдаан аҕалар буоллахха. Кини хоһуйар кыһына – дойду киэргэлэ, уратыта, ону тэнэ олох бүппэт мөккүөрүн символа. Сайына куруук ыраас, кэрэ, ол иһин күөх хатыҥыныын, быйаҥнаах сибэккилиин, чыычаахтыын саха кыыһын, сайылыгын, ыанньык-көмүс ардах күндү көстүүтэ саҥастары кытта сэргэ туттуллар. Күһүн уонна олох түмүктээх буоларын туоһута. Кини арыт санааны ыраастыыр, арыт санньыардык сүрэх бааһа буолар аналлаах. Кыра, дьоҕус алаас, киэҥ киэлилээх Өлүөнэ эбэ, түргэн сүүрүктээх Сиинэ – бары Саха сирин уус-уран бэлиэлэрэ. Кинилэри поэт олоҕун устатын тухары саҥалыы, сонургуу тус бэйэтин санааларын лирикатыгар арыйар, куруук харыстыыр. Ону тэҥинэн бэйэтэ кинилэртэн өйөбүл, көмүскэл көрдүүр, кинилэр кэм курдук уустук, улуу аналларыгар сүгүрүйэр, дьылҕалаах.
Семен Данилов 1978 сыл сэтинньи 27 күнүгэр олохтон туораабыта. Кини аатынан Мытаах нэһилиэгэр литературнай түмэли арыйбыттара.
«Саха сирин суруйааччылара» кинигэттэн бэлэмнээтэ Эрчим Николаев,
И.Е. Винокуров аатынан Намнааҕы педколледж 1 куурсун устудьуона