Мин сөбүлүүр дьарыгым туойунан иһит оҥоруу. Биһиги өбүгэлэрбит былыр иһиттэрин-
хомуостарын үксүн туойунан оҥороллор этэ.Мин туой оҥоһугу аан бастаан алын сүһүөххэ үөрэнэр кэммэр интэриэһиргээн дьарыктаммытым. Олус сөбүлээн, салгыы кыралаан ону-маны оҥорон барбытым. Онтон «Маастар кылаастарга» сылдьан билиибин-сатабылбын хаҥаппытым. Сыыйа иһит оҥоруутун ордорбутум.
Салгыы «Молодые профессионалы» диэн улуустааҕы күрэскэ, өрөспүүбүлүкэтээҕи «Оҕо сатабыла» күрэскэ бырааппын кытта бииргэ кыттыбыппыт.
«Молодые профессионалы» улууска күрэстэһэн 3 миэстэни ылан олус астыммытым, кынаттаммытым.
Быйыл кыайыы 80 сылынан улуустааҕы фестивальга оҥоһуктарбын выставкаҕа туруорбутум. Нэһилиэкпит олохтоохторо оҥоһуктарбын хайҕаан, салгыы дьарыктан диэн алҕаабыттара.
Туойунан сүрэхтээх, сатабыллаах, тулуурдаах эрэ киһи дьарыктанар дии саныыбын.Киһи мээнэ ылла да сатаабат.
Саҥа саҕалааччыларга сүбэлиэм этэ: Туой оҥоһукка ылсыаххытын баҕардаххытына, аан бастаан кыра оҥоһуктан саҕалыыр ордук.Холобур, биир хомпур иһити оҥорорго икки чаас барар. Ол иһин хаачыстыбалаах оҥоһугу ылыаххын баҕардаххына, бириинчик буолуоххун наада. Ол эрээри олус үчүгэй, туһалаах дьарык. Туой оҥоһугунан сэргээн дьарыктанын диэн ыҥырабын.
Айаана Никифорова
Игидэй орто оскуолатын 7 кылааһын үөрэнээччитэ.