Оҕо төрөөбүт дойдутугар чугас, «Мин Россия гражданинабын! Мин Эдьигээн олохтооҕобун!» диэн өйү-санааны иҥэринэ улаатарыгар бу паспорт хаҕа туһалаах буолуо.
Н.Е. Мординов-Амма Аччыгыйа аатынан «Кэскил» оҕо бэчээтин кыһата «Бастакылар хамсааһыннара» оҕо уонна ыччат Россиятааҕы общественно-государственнай хамсааһынын Саха өрөспүүбүлүкэтээҕи салаатын кытта үс хоту улууска Муомаҕа, Эдьигээҥҥэ уонна Өймөкөөҥҥө холбоһуктаах Арктическай десаннары тэрийэн ыыппыта.
«Бастакылар хамсааһыннара» РДДМ үлэтин «Медиа уонна коммуникации. «РАССКАЖИ О ГЛАВНОМ» диэн 9-с хайысхатынан оҕолору кытта улуустарын историяларын, уратытын, кэрэ-бэлиэ сирдэрин, киэн туттар дьоннорун туһунан кэпсиир көрдөрөр, суруйар, уруһуйдуур былаһааккаларын тэрийэн үлэлэппиппит. Ол түмүгэр Муома, Эдьигээн улуустарын туһунан «Бэлэм буол» сурунаал анал нүөмэрдэрэ бэчээттэнэн таҕыстылар. Улуус оҕолоро төрөөбүт улуустарын сурунаал сирэйиттэн саҕалаан бэйэлэрэ толкуйдаан оҥороллор. Ордук сурунаал тас сирэйин улуус уобараһын – ис-истэриттэн астынан, «умайан», дьүһүнүгэр тиийэ толкуйдаан оҥороллор. Оҕолорбут толкуйдаан таһаарбыттарын, «Бэлэм буол» худуоһунньуктара өссө чочуйан, тупсаран биэрэллэр.
Эдьигээн эбэҥки национальнай оройуонун дьаһалтатын өттүттэн «сурунаалбыт тас сирэйин паспорт хаҕын оҥотторуохпутун баҕарабыт» диэн киирбит этиини үөрүүнэн ылыммыппыт.
– «Бэлэм буол» сурунаал тас сирэйин https://vk.com/wall-212001794_818 паспорт хаҕа гына оҥотторбуппут иитии үлэтигэр олус улахан суолталаах. Оҕолорбут Россия гражданина буолалларын туоһулуур сүрүн докумуоннарын кытта төрөөбүт Эдьигээннэрин тэҥҥэ тутан илдьэ сылдьар буолуохтара. Хаһан, ханна наада буолла да ойутан таһаараллар. Паспорт хаҕын кэннигэр «Бастакылар хамсааһыннара» РДДМ бэлиэтин уонна «Удачи и новых свершений!» диэн оҕону кынаттыыр тыллары киллэрэн биэрбиппит. Оҕо төрөөбүт дойдутугар чугас, «Мин Россия гражданинабын! Мин Эдьигээн олохтооҕобун!» диэн өйү-санааны иҥэринэ улаатарыгар бу паспорт хаҕа туһалаах буолуо. «Кэскил» оҕо бэчээтин кыһатыгар улахан махталбын тиэрдэбин, – диэн Эдьигээн эбэҥки национальнай оройуонун баһылыга Василий Николаевич Сорокин санаатын үллэстэр.
Сардаана МАТВЕЕВА